Failimɔn 1:22 - EBƆRƐ BE KAWƆL

²² Kumo be kaman, lɔŋɛ ebu ko n yili ma, ŋkpal manɛ so, ŋ kɔ tama fanɛ Ebɔrɛ beeŋ nu men kikɛ be kabɔrɛkule nseŋ lara ma n sa menyi.

Failimɔn 1:22 ပူးပေါင်းရင်းမြစ်များ

Ashuŋ Shunso 27:24

‘Pɔɔl, sa maa lɔ kufu. A daga fanɛ fo ya yili Romebi be ewurgboŋ na be anishito. Ŋkpal Ebɔrɛ malɛ nɛ mbe kelela so, basa nɛ fo nɛ bumo wɔ nchu so be enite ere to ere be ekama maaŋ mur.’

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Romebi 15:24

n yili kumo nna fanɛ ŋ kaa yɔ Speen be efuli so, meeŋ wu menyi. Ŋ kaŋ wu menyi m moɛ gbrɛ nɛ n shin nɛ men chɛ ma to ashi ma enite na to.

2 Kɔrintebi 1:11

nɛ menyi alɛ e baa ta men be kabɔrɛkule a kule a chɛ anyi to. Ebɔrɛ malɛ beeŋ nu men be kabɔrɛkule damta nɛ menyee kule a sa anyi na n nɛfa anyi nɛ k shin nɛ basa damta e bugi bumo be nnɔ n di Ebɔrɛ na epaŋ ŋkpal anyi so.

Filipaiebi 1:19

Kashenteŋto, meeŋ shin nɛ ma kagbene e fuli ma, ŋkpal manɛ so, m baa nyi fanɛ ŋkpal men be kabɔrɛkule so nɛ Yesu Kristo be Kiyoyu na be eleŋ to so meeŋ nya ma kumu n lar kabuti ere to.

Filipaiebi 2:24

Ma alɛ naa kɔ yirda Enyɛnpe so fanɛ k maaŋ chɛr nɛ ma ere gbagba e ba.

Hibruwebi 13:19

Kusɔ nɛ m baa sha keŋini menyi nɛ men baa wora ga a ti so e la fanɛ men baa kule Ebɔrɛ nɛ e shin nɛ n nya ekpa manaŋ n yɔ menyi kutɔ.

Hibruwebi 13:23

Mee sha fanɛ men pin fanɛ b lara an kurgepo Timoti ashi kabuti to. Amoso, nɛ e kaŋ wule m ba nfe, ma nɛ mo e naaŋ ba wu menyi.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

2 Jɔn 1:12

Ŋ kraa kɔ asɔ damta nɛ ŋ kaŋɛ menyi, ama m maa sha kesibɛ amo kawɔl to. Kusɔ nɛ mee tama e la fanɛ meeŋ ba bɔɔ menyi so nɛ ma nɛ menyi e chena m malga, saŋɛ na so an kikɛ be ŋgbene beeŋ fuli anyi parr.

3 Jɔn 1:14

Ŋ kɔ tama fanɛ k maaŋ chɛr nɛ n wu fo, saŋɛ na so anyeeŋ chena m malga abar kutɔ.