Failimɔn 1:17 - EBƆRƐ BE KAWƆL

¹⁷ Amoso, nɛ fo baa nyi fanɛ ma nɛ fo la kukoŋwule nna, kumo ere fo sɔ mo fanɛ kananɛ fo daa beeŋ sɔ ma gbagba.

Failimɔn 1:17 ပူးပေါင်းရင်းမြစ်များ

Matiu 10:40

“Ekama nɛ e sɔ menyi, sɔ ma nna na. Nɛ ekama malɛ nɛ e sɔ ma, sɔ emo nɛ e shuŋi ma na nna na.

Matiu 18:5

Nɛ ekama malɛ nɛ e sɔ le be kebia ere ŋkpal ma so, sɔ ma nna na.”

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

2 Kɔrintebi 8:23

Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

Ɛfesesebi 3:6

Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

1 Timoti 6:2

Anya nɛ bumo nyɛnpeana la beyirdapo e sa maŋ kpal b ka la bumo to ebi so a fɛl bumo. Bumo e daga fanɛ b bugi kagbene n shuŋ gba nɛnɛ, ŋkpal manɛ so, beyirdapo nɛ beshapo e naa ji bumo be kushuŋ be tɔnɔ. Ŋini basa asheŋ ere kikɛ nseŋ leŋ bumo to nɛ b bɛ amo so.

Failimɔn 1:10

a kule fo a sa m pibi Onisimɔs nɛ ŋ ki mo tuto abɔrɛsheŋ na be kaplɛa so ashi kabuti ere to nfe na.

Failimɔn 1:12

Mee bɛta mo nna a bar fo a sha fo ka pin fanɛ ma ere kutɔ ŋ gbagba be kaba nɛ mee ta a shoŋi fo na.

Failimɔn 1:18

Nɛ fanɛ e wora fo kulubi ko nna ŋko n ji fo kukɔ, fo ta kumo be kukɔ na n deŋi ma.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.