Failimɔn 1:14 - EBƆRƐ BE KAWƆL

¹⁴ Ama m maa sha kelar fo kaman n wora kusɔ nɛ k maaŋ par fo nɛ fo gbagba be kelela e ki fanɛ tintiŋ be kusɔ, ama kusɔ nɛ k shi fo gbagba be kagbene to.

Failimɔn 1:14 ပူးပေါင်းရင်းမြစ်များ

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

1 Kɔrintebi 9:17

Ŋkpal manɛ so, nɛ fanɛ mee wora loŋ nna ŋkpal ma alɛ gbagba be keparso, n daa beeŋ baa kɔ kakɔka, ama nɛ k maŋ la fanɛ ŋ gbagba be kepar be asheŋ so nɛ mee wora kumo, kumo ere kusɔ nɛ b ta m bɔɔ ma enɔ nɛ mee wora.

1 Kɔrintebi 9:7

Soja mo gbagba e naa ka mo gbagba be kumu ashi kushuŋ na to? Esa mo e naa duu ndibi sɔrso nɛ a baa wora nɛ e maaŋ ji amo be asɔrso na? Esa mo e naaŋ baa keni ana so ŋkaa maaŋ baa nyaŋ amo kenyipo?

2 Kɔrintebi 1:24

Men baa nyi fanɛ mannɛ fanɛ anyee sha keŋini menyi kenimu nna ashi yirda na to, ama kusɔ nɛ anyee wora e la fanɛ anyee tu menyi nna a wora asheŋ ŋkpal men be kenya kagbenefuliso so. Yirda malɛ so nɛ men yil kpakpa na.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.

2 Kɔrintebi 9:7

Kanaŋkama nɛ ekama fɛ mbe kagbene to fanɛ e beeŋ sa, e sa nsaa maa shin nɛ k naa besa mo ŋko a wora fanɛ b kaa bee tintiŋ mo na, ŋkpal manɛ so, esa nɛ e bee sa kagbenefuliso nɛ Ebɔrɛ bee sha.