Failimɔn 1:1 - EBƆRƐ BE KAWƆL

¹ Kawɔl ere shi ma, Pɔɔl nɛ n wɔ kabuti to ŋkpal Kristo Yesu so nɛ an kurgepo Timoti kutɔ nna a yɔ an teri lela nɛ an barkasa eshumpo Failimɔn

Failimɔn 1:1 ပူးပေါင်းရင်းမြစ်များ

Ashuŋ Shunso 16:1

Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Kɔlɔsiebi 1:1

Kawɔl ere shi ma Pɔɔl nɛ n la Yesu Kristo be eshuŋipo ŋkpal Ebɔrɛ be keparso nɛ an kurgepo Timoti kutɔ nna

Kɔlɔsiebi 4:11

Jizes nɛ baa tre Jɛstes na gba bee chɔrɔ menyi. Bumo basa asa na nawule e la Juwebi be basa nɛ b nyi Yesu Kristo bumo be ŋgbene to nɛ ma nɛ bumo bee shuŋ nfe a malga Ebɔrɛ be kuwura na to be asheŋ. B shin nɛ ma kagbene wushi ma ga.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

2 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

Failimɔn 1:23

Epafras nɛ e la m barkasa kabutipo ŋkpal Kristo Yesu so na bee chɔrɔ fo.

Failimɔn 1:24

Maak gba nɛ Aristaakes nɛ Diimas nɛ Luuk nɛ bumo kikɛ la m braana beshumpo na bee chɔrɔ fo.

Failimɔn 1:9

ama kasha so nɛ ma Pɔɔl bel le nseŋ naa wɔ kabuti to ŋkpal Kristo Yesu so