Obadaya 1:1 - EBƆRƐ BE KAWƆL

¹ Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Obadaya 1:1 ပူးပေါင်းရင်းမြစ်များ

Jɛnesis 25:30

Ndoŋ nna nɛ Isɔɔ kaŋɛ Jeekɔb le: “Jande sa ma fo epo peper ere be ako, nɛ mannɛ aloŋ, akoŋ beeŋ mɔ ma.” Amoso nɛ b daa tre mo Edɔm na.

Jɛnesis 36:8

Amoso Isɔɔ nɛ mo koŋwule na la Edɔm na, daŋ ya chena Edɔm be efuli so be abee to nna.

Jɛnesis 36:9

Isɔɔ nɛ e la Edɔmebi bumo tuto na be asheŋ nde. E daa wɔ Edɔm be efuli so be abee to nna.

Nshɛ 137:7

O Enyɛnpe Ebɔrɛ, nyiŋi kusɔ nɛ Edɔmebi na wora kachɛ nɛ Jerusalɛmebi kɔ n tɔr na. B yɛ: ‘Men bure kadegboŋ na! Men mur kumo kikɛ kuraa!’

Aizaaya 21:11

Kubɔya nɛ k wɔtɔ a laŋɛ efuli nɛ baa tre Edɔm na be kaplɛa so nde. Esa ko yili Edɔm be efuli so nna n tre ma m bishi le: “Ekenipo, saŋɛ mo nɛ kare beeŋ chɛ nɛ kaboŋ e fuli to?”

Aizaaya 21:12

Ndoŋ nna nɛ ŋ kaŋɛ mo: “K maaŋ chɛr nɛ kare e chɛ, ama kanyɛ kraa beeŋ naŋ biri. Nɛ fo kraa sha kenaŋ pin to n ti so, kumo ere fo naŋ bɛta m ba bishi to.”

Aizaaya 30:4

Juda be basa be mbɔ teŋ yɔ Ijipt be efuli so be ndegboŋ nɛ baa tre Zowan nɛ Hanes na,

Jɛremaya 25:17

Ndoŋ nna nɛ n sɔ kawiebi na ashi Enyɛnpe Ebɔrɛ na be enɔ to nseŋ ta kumo n ya sa efuliana nɛ e shuŋi ma amo so na nɛ b nuu kumo to be asɔ nuuso na.

Jɛremaya 51:46

Kafɛ kikɛ menyee nu b yɛ b yɛ, fanɛ kebagato bee ba kasawule na so, ŋko ewurjipo ko beeŋ kɔ ewurjipo nyɔsopo kena. Ama men sa maa lɔ kufu ŋko a pɔ aba, ŋkpal b yɛ b yɛ ere so.

Ezikɛl 35:1

Nɛ Enyɛnpe Ebɔrɛ na kaŋɛ ma le:

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Maika 2:13

Meeŋ bugi ekpa n sa ma basa nseŋ juŋkpar bumo n lar kenyaya nɛ b wɔtɔ ashi efuli pɔtɛana so m ba ki bumo be ewura.”

Matiu 24:6

Menyeeŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, ama men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.

Maak 13:7

Nɛ men kaŋ ba kaa nu fanɛ basa bee kɔ abar ana nseŋ naa nu fanɛ basa beeŋ kɔ abar ana, men sa maŋ shin nɛ menyi be ŋgbene e baa ku menyi, ŋkpal manɛ so, a daga loŋ be asheŋ na ka wora, ama lalaloge be jemanɛ na maŋ naŋ fo pɔɛŋ.