Nɔmbɛs 9:23 - EBƆRƐ BE KAWƆL

²³ Kaplɛkama malɛ nɛ Enyɛnpe Ebɔrɛ baŋ ŋini Mosis fanɛ b yɔ, ndoŋ nɛ baa yɔ.

Nɔmbɛs 9:23 ပူးပေါင်းရင်းမြစ်များ

Jɛnesis 26:5

Meeŋ wora ade kikɛ nna ŋkpal Eebraham ka wora ma kasonu m bɛ ma mbra kikɛ so nɛ ma nɛ mo be ŋkre kikɛ so nɛ nnɔ naseso nɛ an nase n sa abar na kikɛ so so.”

Nshɛ 107:7

Kumo be kaman nɛ e juŋkpar menyi tinini m ba chena kadegboŋ na to.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Ɛksodɔs 17:1

Israɛlebi na kikɛ daŋ naŋ koso Sin be keshishɛrsawule na so nna a na a bɛ kananɛ Enyɛnpe Ebɔrɛ daŋ ŋini bumo na so n ya yuu bumo be ewajɛbu ashi Refidim. Ndoŋ malɛ daa maŋ kɔ nchu nɛ b nuu.

Aizaaya 63:14

Kananɛ baa kpa ana a yɔ keplasawule so nɛ a bee nya a wushi na aloŋ nɛ Enyɛnpe Ebɔrɛ na be Kiyoyu sa bumo ewushi. E daŋ juŋkpar mbe basa nna nɛ mbe ketre bɔla bumo so n nya kemaŋkura.

Ezikɛl 44:8

Bumo gbagba ka beeŋ baa wora asɔ nɛ a daga a laŋɛ esarga cheembi na kaplɛa so ashi bɔrɛlambu na to so na, befɔ nɛ b ta loŋ be kushuŋ nna n sa.

Zakareya 3:7

Enyɛnpetale Ebɔrɛ na yɛ: “Nɛ fo baa wora ma mbraana kasonu nsaa shuŋ ashuŋ nɛ meeŋ baa sa fo bre, meeŋ shin nɛ fo baa keni ma bɔrɛlambu na nɛ kumo be kelɔnɛ so. Ma alɛ beeŋ baa nu fo kabɔrɛkule fanɛ kananɛ mee nu emalaika nɛ b wɔ ŋ kutɔ ere be kabɔrɛkule na.”

Nɔmbɛs 10:1

Nɛ Enyɛnpe Ebɔrɛ kaŋɛ Mosis le:

Nɔmbɛs 10:13

Kede e la Israɛlebi na be enite juŋkparso nɛ Enyɛnpe Ebɔrɛ bɔla Mosis so ŋ kaŋɛ bumo fanɛ b koso a yɔ.

Nɔmbɛs 9:19

Nchɛ kama nɛ kuwɔlpa na beeŋ yili Enyɛnpe be wajɛbu na be esoso n ya fo, Israɛlebi na malɛ bee wora Enyɛnpe Ebɔrɛ kasonu nna n chena ndoŋ.

Joshuwa 22:3

Men maŋ kini kechɛ men niopibiana Israɛlebi to. Kusɔ kama malɛ nɛ Enyɛnpe menyi be Ebɔrɛ na kaŋɛ menyi, menyi bɛ kumo kikɛ so.