Nɔmbɛs 9:18 - EBƆRƐ BE KAWƆL

¹⁸ Amoso Enyɛnpe Ebɔrɛ na e naa kaŋɛ Israɛlebi na saŋɛ nɛ baa kaa nɛ saŋɛ nɛ baa wora bumo be keeyi to. Bumo alɛ bee kaa wɔ keeyi na to nna hale n ya fo kachɛ nɛ kuwɔlpa na beeŋ tia.

Nɔmbɛs 9:18 ပူးပေါင်းရင်းမြစ်များ

Ɛksodɔs 17:1

Israɛlebi na kikɛ daŋ naŋ koso Sin be keshishɛrsawule na so nna a na a bɛ kananɛ Enyɛnpe Ebɔrɛ daŋ ŋini bumo na so n ya yuu bumo be ewajɛbu ashi Refidim. Ndoŋ malɛ daa maŋ kɔ nchu nɛ b nuu.

Nɔmbɛs 10:13

Kede e la Israɛlebi na be enite juŋkparso nɛ Enyɛnpe Ebɔrɛ bɔla Mosis so ŋ kaŋɛ bumo fanɛ b koso a yɔ.

Nɔmbɛs 9:19

Nchɛ kama nɛ kuwɔlpa na beeŋ yili Enyɛnpe be wajɛbu na be esoso n ya fo, Israɛlebi na malɛ bee wora Enyɛnpe Ebɔrɛ kasonu nna n chena ndoŋ.

Nɔmbɛs 9:20

Saŋko kuwɔlpa na beeŋ tiŋ a wɔ wajɛbu na so n nchɛ gbrɛbi ko. Saŋkama nɛ k baa wɔ ndoŋ, basa na gba wɔ keeyi na to nna. K ba naŋ tia malɛ, bumo alɛ gba bee kaa keeyi na to nna. Kanaŋ kama nɛ Enyɛnpe Ebɔrɛ na baŋ kaŋɛ, aloŋ nɛ baa wora.

1 Kɔrintebi 10:1

Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

2 Jɔn 1:6

Keŋini kasha e la kebaabɛ Ebɔrɛ be mmalga naseso so. Menyi alɛ kikɛ chɛr n nu dra dra na kikɛ fanɛ kusɔ nɛ Ebɔrɛ na nase e la fanɛ a daga fanɛ men kikɛ e baa wɔ kasha be kebaawɔtɔ to.