Nɔmbɛs 9:15 - EBƆRƐ BE KAWƆL

^15-16 Kachɛ nɛ b yuu Enyɛnpe be wajɛbu na, awɔlpa daŋ ba buu kumo kikɛ so nna a wɔ ndoŋ. Kanyɛ baŋ biri kuwɔlpa na bee kilgi nna n duli fanɛ edɛ na.

Nɔmbɛs 9:15 ပူးပေါင်းရင်းမြစ်များ

Nehemaya 9:12

B ka dii teku na be kaman, karechɛ kikɛ fo daa bɔla awɔlpa to nna a juŋkpar fo basa kapaso, nsaa bɔla edɛ be kabɔlpi so a juŋkpar a ŋini bumo ekpa kanyɛso.

Nehemaya 9:19

“Ŋkpal fo kuwɔrwu ka shi ga so fo daa ŋini bumo ekpa nna saŋkikɛ, fo alɛ daa maŋ yige bumo n lɛ keshishɛrsawule so. Fo daa bɔla kuwɔlpa so nna a ŋini bumo ekpa kapaso nsaa bɔla edɛ be kabɔlpi so a juŋkpar bumo kanyɛso.

Nshɛ 105:39

Ebɔrɛ daa bɔla kuwɔlpa so kapaso nɛ edɛ be kabulpi so kanyɛso nna a ŋini bumo ekpa ashi bumo be enite na to.

Nshɛ 78:14

E daa bɔla kuwɔlpa so nna a ŋini bumo ekpa kapaso, nseŋ daa bɔla edɛ be kabulpi so a ŋini bumo ekpa kanyɛso malɛ.

Ɛksodɔs 13:21

Karechɛ kikɛ Enyɛnpe Ebɔrɛ daa shin nɛ kuwɔlpa bee juŋkpar mbe basa kapaso nna nsaa shin nɛ edɛ be kabulpi malɛ bee juŋkpar bumo kanyɛso.

Ɛksodɔs 13:22

Karechɛ kikɛ kuwɔlpa nɛ k bee juŋkpar bumo na maa barga bumo kikɛ. Loŋ nɛ edɛ be kabulpi na malɛ gba maa barga bumo kanyɛso kikɛ.

Ɛksodɔs 14:24

Kaboŋ ka ba kaa kpaŋɛ to nɛ Enyɛnpe Ebɔrɛ yili edɛ be kabulpi nɛ kuwɔlpa na to n wu Ijipt be benapo na nseŋ ta kebagato n lɛ bumo so.

Ɛksodɔs 40:2

“Yuu Enyɛnpe Ebɔrɛ be wajɛbu na kufɔl juŋkparso be kachɛ sososo

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Ɛksodɔs 40:35

Mosis daa maŋ tiŋ n luri Enyɛnpe be wajɛbu na to, ŋkpal kuwɔlpa na ka daŋ buu kumo so nɛ Enyɛnpe Ebɔrɛ be kemaŋkura bɔlɔ kumo to so.

Ɛksodɔs 40:38

Amoso saŋɛ nɛ Israɛlebi na daa wɔ bumo be enite to na, Ebɔrɛ be kuwɔlpa na daa buu Ebɔrɛ be wajɛbu na so kapaso kikɛ nna nsaa fulto edɛ kanyɛso malɛ kikɛ.

Aizaaya 4:5

Kumo be kaman nɛ Enyɛnpe Ebɔrɛ na e shin nɛ kuwɔlpa e baa buu kebee nɛ baa tre Zayɔn na nɛ bekama nɛ b gama ndoŋ na so kapaso nseŋ shin nɛ edishi nɛ edɛ wuloŋwuloŋ nɛ kefulto e baa buu kumo so kanyɛso. Ebɔrɛ be kemaŋkura beeŋ baa buu kadegboŋ na kikɛ so a kuŋ kumo.

Nɔmbɛs 10:34

Saŋkama nɛ b baŋ kaa keeyi to a yɔ malɛ, Enyɛnpe Ebɔrɛ be kuwɔlpa na daa parga nna a buu bumo so kapaso.

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Nɔmbɛs 17:7

Nɛ Mosis ta akpabi na kikɛ n nase Enyɛnpe Ebɔrɛ be ŋkre be deka na be anishito ashi wajɛbu na to.

1 Kɔrintebi 10:1

Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

Ditɛronɔmi 1:33

nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.