Nɔmbɛs 9:14 - EBƆRƐ BE KAWƆL

¹⁴ Kadetobia ŋko efɔ kama nɛ e wɔ menyi to nsaa sha keji kebansonchoŋ be kejigboŋ na daga fanɛ e bɛ kumo be mbraana kikɛ so nɛnɛ nna n ji kumo.”

Nɔmbɛs 9:14 ပူးပေါင်းရင်းမြစ်များ

Ɛzra 6:21

Basa nɛ b chena m mata Israɛlebi na nseŋ lara bumo be amu ashi nnyamase nɛ bumo be agbirsheŋ to nseŋ ta bumo be amu n sa Israɛl be Ebɔrɛ na e tu Israɛlebi na n ji kejigboŋ na.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ɛksodɔs 12:47

Israɛlebi kikɛ daga fanɛ b baa ji le be kejigboŋ ere nna.

Levitikɔs 19:10

Men sa maŋ bɛta n yɔ menyi be asɔrso be adɔ to n naŋ ya chuge asɔrso nɛ men maŋ wu n chuge ŋko n ya tise amo nɛ amo gbagba tɔr to na. Men yige amo n sa betirpo nɛ befɔ. Ma e la Enyɛnpe, men be Ebɔrɛ na.

Levitikɔs 22:25

Men sa maŋ kaŋ sɔ efɔ be kusɔbɔya kikɛ n lara ajibi be sarga n sa men be Ebɔrɛ. M maaŋ sɔ amo, ŋkpal manɛ so, loŋ be asɔbɔya na maŋ kɔr asɔbɔya nɛ e kɔ ndulgi to.”

Levitikɔs 24:22

Mbra ere wɔtɔ nna n sa menyi Israɛlebi nɛ befɔ nɛ b wɔ men to na kikɛ, ŋkpal manɛ so, ma e la Enyɛnpe menyi be Ebɔrɛ na.”

Levitikɔs 25:15

Nɛ menyee ji kudɔsawule be yawu men baa nyiŋi nfɛ nɛ a ka pɔɛŋ nɛ kelaŋɛ n sa be kafɛ na e fo na.

Nɔmbɛs 15:15

Mbra ere dese nna n sa menyi Israɛlebi nɛ men la ndetobia na nɛ befɔ nɛ b chena menyi to na kikɛ hale mbaanaayɔ. Sarga be kelara bre be kaplɛa so, menyi nɛ bumo kikɛ la kukoŋwule nna ashi Enyɛnpe Ebɔrɛ na be anishito,

Nɔmbɛs 15:16

nɛ le be mbra ere malɛ la menyi nɛ bumo kikɛ peya.

Ditɛronɔmi 29:11

nɛ beche nɛ mbia nɛ befɔ nɛ baa kil ndibi nsaa sulɔ nchu a sa menyi na kikɛ yil kabre na.

Ditɛronɔmi 31:12

Menyeeŋ tre benyɛn nɛ beche nɛ mbia nɛ befɔ nɛ b tu menyi n chena men be ndeana to na n shɛr; saŋɛ na so, bumo be ekama beeŋ nu mbra na nseŋ koya kebaabunyaŋ Enyɛnpe menyi be Ebɔrɛ na a wora mbe mbraana kasonu kashenteŋto.