Nɔmbɛs 9:13 - EBƆRƐ BE KAWƆL

¹³ Ama nɛ fanɛ esa walɛ so daŋkare be ekpa so mo alɛ nsaa maa wɔ enite to nseŋ kini kebansonchoŋ be kejigboŋ na be keji, kumo ere m maŋ naa ber mo a ti ma basa so, ŋkpal e ka kini kelara sarga n sa ma saŋɛ nɛ k daga so. Mo alɛ beeŋ nya mbe kulubi be kasogberge

Nɔmbɛs 9:13 ပူးပေါင်းရင်းမြစ်များ

Jɛnesis 17:14

Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:19

Ŋkpal loŋ so kumo be nchɛnshunu na bre to k maŋ daga menyi be ekama kaa kɔ yiisi ashi mbe laŋ to kikɛ. Ekama, kadetobia ŋko efɔ, nɛ e baŋ ji ajibi kama nɛ a kɔ yiisi, meeŋ lara mo ashi Israɛl be basa to.

Ɛksodɔs 12:47

Israɛlebi kikɛ daga fanɛ b baa ji le be kejigboŋ ere nna.

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Ɛksodɔs 30:38

Esa kama nɛ e kpal amo be efɛa belbelso so n wora amo be kaduli, daga fanɛ b lara mo ashi mbe basa to.”

Ezikɛl 23:49

Ama meeŋ gberge menyi beche anyɔ nɛ men la kenio pibi ere kusoe kenishipereso, ŋkpal menyi be kusɔ jigaya be kebaawɔtɔ nɛ kagbirshuŋ be kulubi so. Aloŋ nɛ menyeeŋ pin fanɛ ma, e la Enyɛnpetale Ebɔrɛ na.”

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Levitikɔs 20:20

Nɛ enyɛn di mo tutokar be eche, e ŋaba mo tutokar na nna na nɛ mo nɛ eche na kikɛ daga kumo be kasogberge. Bumo be ekama beeŋ wu nɛ b maaŋ nya ebi.

Levitikɔs 22:9

Bɔrɛmatapoana kikɛ daga b bɛ mbraana nɛ n nase na kikɛ so, saŋɛ na so b maaŋ tɔr ntaŋ nseŋ wu ŋkpal b ka maŋ wora amo kasonu so. Ma e la Enyɛnpe Ebɔrɛ na nɛ mee sha fanɛ ma bɔrɛmatapoana e baa du cheembi.

Levitikɔs 24:15

Kumo be kaman nɛ fo kaŋɛ Israɛl be basa na kikɛ fanɛ esa kama nɛ e malga ŋ gbiti Ebɔrɛ, baaŋ mɔ amodoŋwura gba.

Nɔmbɛs 19:13

Esa kama nɛ e beta ebuni nseŋ kini kefɔr mbe kumu so daŋkare be ekpa so, wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 19:20

Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 5:31

Nɛ enyɛn na wora loŋ, kumo be kulubi maŋ bɛ mo so, ama nɛ fanɛ eche na wora n da so nna e beeŋ nya kumo be kasogberge.

Nɔmbɛs 9:7

n ya kaŋɛ bumo le: “An wora eyurpi ŋkpal an ka beta ebuni so nna, ama manɛ nna nɛ anyi maaŋ tiŋ n ji kebansonchoŋ be kejigboŋ na nseŋ lara anyi be esarga m ba sa Enyɛnpe Ebɔrɛ loŋ be kachɛ na fanɛ kananɛ an braana Israɛlebi na wora na?”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 6:6

Ade malɛ kikɛ nɛ b nyi nseŋ foe ekpa na. Amoso, kenaŋ bɛta bumo m ba kelar bumo be alubi to maaŋ tiŋ n wora, ŋkpal manɛ so, bumo ere naa gbir Ebɔrɛ Pibinyɛn na nna a mata kedibi largato na so nna na n naa ŋaba mo basa kikɛ be anishito.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.