Nɔmbɛs 8:20 - EBƆRƐ BE KAWƆL

²⁰ Ndoŋ nna nɛ Mosis nɛ Ɛɛrɔn nɛ Israɛlebi na kikɛ ta Livaiebi na n bɔɔ Enyɛnpe Ebɔrɛ enɔ fanɛ kananɛ Enyɛnpe Ebɔrɛ kaŋɛ Mosis na gbagba.

Nɔmbɛs 8:20 ပူးပေါင်းရင်းမြစ်များ

Ɛksodɔs 12:50

Ndoŋ nna nɛ Israɛlebi na kikɛ wora kasonu nseŋ wora asɔ nɛ Enyɛnpe Ebɔrɛ yili n sa Mosis nɛ Ɛɛrɔn na kikɛ.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:54

Israɛlebi na daŋ wora kusɔ kama nɛ Enyɛnpe Ebɔrɛ daŋ kaŋɛ Mosis na nna.

Nɔmbɛs 8:19

Ma alɛ lara Livaiebi nna fanɛ kakɛ ashi Israɛlebi na to n sa Ɛɛrɔn nɛ mbe mbinyɛnsobi na nɛ b yili Israɛlebi na be katelamu to a shuŋ Enyɛnpe be wajɛbu na to saŋɛ na so Israɛlebi na maaŋ ba kumo ase nɛ aleblawu e ba bumo so.”

Nɔmbɛs 8:21

Kumo be kaman nɛ Livaiebi na fɔrso n lar daŋkare be ekpa ŋ ki cheembi nseŋ fɔr bumo be asɔbuuso. Ndoŋ nna nɛ Ɛɛrɔn ta bumo m bɔɔ Enyɛnpe Ebɔrɛ na enɔ fanɛ kakɛ lela nɛ b nya alubi be ketampaŋ.

Nɔmbɛs 9:22

Hale nchɛ anyɔ ŋko kufɔl ŋko kafɛ gba nɛ kuwɔlpa na buu wajɛbu na so, bumo alɛ gba baa wɔ keeyi na to nna. Ama k baŋ tia, bumo alɛ gba bee kaa nna m bɛ kumo so.

Nɔmbɛs 9:5

Amoso kananɛ Enyɛnpe Ebɔrɛ daŋ kaŋɛ Mosis na gbagba chap nɛ b daŋ ji kumo kufɔl juŋkparso na be kachɛ kuduanasopo na ashi Sainai be keshishɛrsawule na so.