Nɔmbɛs 6:23 - EBƆRƐ BE KAWƆL

²³ fanɛ e kaŋɛ Ɛɛrɔn nɛ mbe mbinyɛnsobi fanɛ

Nɔmbɛs 6:23 ပူးပေါင်းရင်းမြစ်များ

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 47:10

Kamalga na be kaman nɛ Jeekɔb naŋ nɛfa ewura Fɛɛro nseŋ lar mo kutɔ.

Jɛnesis 47:7

Kumo be kaman nɛ Josɛf keta mo tuto Jeekɔb m ba ŋini ewura Fɛɛro, nɛ Jeekɔb nɛfa Fɛɛro.

Jɛnesis 48:20

Ndoŋ nna nɛ Jeekɔb nɛfa bumo kamɔnchɛ na ŋ kaŋɛ: “Israɛlebi beeŋ ba kaa kɔ men be atre a nɛfa bumo braana a kaŋɛ: ‘Ebɔrɛ e shin nɛ fo baa du fanɛ Efreim nɛ Manase.’ ” E ka wora loŋ na e daŋ ta Efreim nna n juŋkpar Manase.

1 Bewura 8:55

ŋ kule Ebɔrɛ be nɛfa awɔrso n sa basa nɛ b shɛr na ŋ kaŋɛ:

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

Ɛksodɔs 39:43

Mosis ka keni asɔ nɛ basa na lɔŋɛ na kikɛ n loge na nɛ e wu fanɛ b wora kushuŋ na kananɛ Enyɛnpe Ebɔrɛ daŋ kaŋɛ na gbagba chap. Ndoŋ nna nɛ Mosis nɛfa bumo.

Nɔmbɛs 6:22

Nɛ Enyɛnpe Ebɔrɛ naŋ kaŋɛ Mosis

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

1 Kɔrintebi 1:3

Kuwɔr be kakɛ nɛ kagbenewushi mo nɛ a shi an Tuto kutɔ nɛ Enyɛnpe Yesu Kristo kutɔ na e baa wɔ menyi kutɔ.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Ditɛronɔmi 21:5

Bɔrɛmatapoana nɛ b shi Livai be yiri to na gba beeŋ yɔ ndoŋ, ŋkpal manɛ so, bumo e naa ji asheŋ nɛ a bee bar kebagato nɛ nlusheŋ. Enyɛnpe menyi be Ebɔrɛ na malɛ e lara bumo fanɛ b baa shuŋ mo nsaa bɔla mbe ketre so a nɛfa basa nsaa ji mpetɛ nɛ kebile n doro abar be asheŋ.

Ditɛronɔmi 33:1

Mosis daa la anebi nna, amoso pɔɛŋ nɛ e wu na le nɛ e daŋ nɛfa Israɛl be eyiriana na ŋ kaŋɛ:

Hibruwebi 7:1

Mɛlkizedɛk nɛ anyee malga mbe asheŋ ere daa la Seelɛm be ewura nna nseŋ daŋ naa la Enyɛnpetale Ebɔrɛ be bɔrɛmatapo. Kachako Eebraham ya mɔ bewura ko ashi kena to nseŋ bɛta a yɔ epe nɛ Mɛlkizedɛk ya tu mo ekpa to nseŋ nɛfa mo.

Hibruwebi 7:7

Ekama malɛ baa nyi geeŋ fanɛ esa nɛ e bee nɛfa mo barkasa e chɔ emo nɛ e bee nya nɛfa na ŋko?

Joshuwa 8:33

Israɛlebi na kikɛ nɛ bumo be bejuŋkparpo nɛ benimuana nɛ demujipoana nɛ befɔ nɛ bumo nɛ bumo wɔtɔ na barga to nna n yili Enyɛnpe Ebɔrɛ be ŋkre be deka na be mba anyɔ so ashi bɔrɛmatapoana nɛ baa sulɔ kumo na be anishito. Basa na be bargato daŋ pal kaman nna n sa kebeegboŋ nɛ baa tre Gɛrizim na nɛ bargato malɛ pal kaman n sa kebeegboŋ nɛ baa tre Ebal na. Enyɛnpe Ebɔrɛ be kayɛrbi Mosis e daŋ kaŋɛ bumo fanɛ b baa wora loŋ saŋkama nɛ b ba nɛ b ba sɔ nɛfa.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

2 Jɔn 1:3

Ebɔrɛ Etuto na nɛ Yesu Kristo nɛ e la Etuto na Pibinyɛn na sa anyi kuwɔr be kakɛ nɛ kuwɔr nɛ kagbenewushi n shin nɛ an nya kashenteŋ be kasha.