Nɔmbɛs 6:20 - EBƆRƐ BE KAWƆL

²⁰ Kumo be kaman nɛ bɔrɛmatapo na e sɔ amo n ya sa Enyɛnpe Ebɔrɛ fanɛ kakɛ lela nɛ k ki sarga cheembi na, nseŋ ta amo n ti kpakpa na be kagbene nɛ kebɛaŋ nɛ a la bɔrɛmatapo peya mbra be ekpa so na so. Kede be kaman, e maaŋ naa la esa nɛ e ta mbe kumu n yili n sa Enyɛnpe Ebɔrɛ na nawule nsaa beeŋ tiŋ a nuu nsa.

Nɔmbɛs 6:20 ပူးပေါင်းရင်းမြစ်များ

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Levitikɔs 10:15

Baaŋ ta kagbene na nɛ kebɛaŋ na n ti nfɔana na so m ba jemanɛ nɛ b kɔ amo a ba nɛ b ba lara sarga n sa Enyɛnpe Ebɔrɛ na. Le be ejikpaana ere la menyi nɛ men be mbia peya nna hale mbaanaayɔ, fanɛ kananɛ Enyɛnpe Ebɔrɛ na yili kumo na.”

Levitikɔs 23:11

Mo alɛ beeŋ ba maŋ kumo so Enyɛnpe Ebɔrɛ na be anishito a ŋini fanɛ k la Kewushiachɛ na be sarga nna, saŋɛ na so Enyɛnpe Ebɔrɛ na beeŋ sɔ menyi be kekule.

Levitikɔs 7:30

Mo gbagba be enɔ to nɛ e beeŋ keta kumo m ba fanɛ ayu be sargajibi na. E beeŋ bar kusɔbɔya na be nfɔ nɛ kumo be kagbene fanɛ sargagboŋ m ba sa Enyɛnpe Ebɔrɛ na.

Levitikɔs 7:31

Bɔrɛmatapo na beeŋ chɔɔ nfɔ na bɔrɛsure na so, ama kagbene na bre la bɔrɛmatapo na peya nna.

Levitikɔs 7:32

Kɔnɔkoŋwule be sarga be kusɔbɔya na be jisoso be kebɛaŋ na la kachige nɛ k bee yɔ

Levitikɔs 7:34

Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”

Levitikɔs 9:21

Kumo be kaman nɛ e ta ŋgbene na nɛ jiso be ebɛaŋ nɛ a la Enyɛnpe Ebɔrɛ na be kakɛgboŋ nɛ k bee yɔ bɔrɛmatapoana na kutɔ fanɛ kananɛ Enyɛnpe Ebɔrɛ na yili n sa Mosis na.

Zakareya 10:7

Israɛl be basa na beeŋ baa kɔ eleŋ fanɛ benapo, nsaa kɔ kagbenefuli fanɛ eyabra nuupo. Bumo be kaman to ebi beeŋ baa nyiŋi kekɔmpɔɔso ere nɛ bumo be ŋgbene a fuli ŋkpal kusɔ nɛ Enyɛnpe Ebɔrɛ na wora so.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Nɔmbɛs 18:18

Amo be eblaŋ na bre kikɛ la menyeya nna fanɛ kananɛ sarga nɛ baa maŋ so a ŋini Ebɔrɛ na be ŋgbene na nɛ jiso be ebɛaŋana la menyeya na.

Nɔmbɛs 5:25

Nɛ bɔrɛmatapo e sɔ aboyunyifu be sarga na ashi kache na be enɔ to m maŋ amo so ŋ ŋini Ebɔrɛ nseŋ ta amo m bɛ bɔrɛsure na so.

Nɔmbɛs 6:21

Mbra nɛ a dese n sa basa nɛ b ta bumo be amu n yili n sa Enyɛnpe Ebɔrɛ na nawule nɛ baa tre bumo ‘Nazarin’ na nna na. Ama esa nɛ e ta mbe kumu n yili n sa Enyɛnpe Ebɔrɛ na nawule na beeŋ tiŋ n lara sarga nɛ k chɔɔ ade, nɛ e beeŋ tiŋ nna na. Kɔnɔ pɔtɛ kama malɛ nɛ b nase n ti so, daga fanɛ b ka kumo m bɔlɔ so.”

Matiu 26:29

Ma e kaŋɛ menyi na fanɛ m maaŋ naŋ nuu le be waindibi be yabra ere kikɛ hale n ya fo kachɛ nɛ ma nɛ menyi beeŋ nuu yabra popɔr ashi n Tuto Ebɔrɛ be kuwura na to na.”

Maak 14:25

Ma e kaŋɛ menyi kashenteŋto na fanɛ m maaŋ naŋ nuu le be waindibi be yabra kikɛ hale n ya fo kachɛ nɛ meeŋ nuu yabra popɔr ashi Ebɔrɛ be kuwura na to na.”

Baru lela nɛ Jɔn kute na 19:30

Yesu ka pipe nsa nyannyanso na nɛ e kaŋɛ: “Asheŋ loge.” E ka kaŋɛ le ere n loge nɛ e kur mbe kumu n yuu nseŋ wu.