Nɔmbɛs 6:15 - EBƆRƐ BE KAWƆL

¹⁵ A daga fanɛ b ta bodobodo nɛ a maŋ kɔ yiisi nɛ b ta nyifu nɛ ɔlif be ŋku n wora na kelantaŋɛ be bɔlɔ nɛ ekrakashi nɛ amo alɛ gba maŋ kɔ yisi na nɛ ayu nɛ asɔnuuso n ti asɔbɔya na so n lara sarga na.

Nɔmbɛs 6:15 ပူးပေါင်းရင်းမြစ်များ

Ɛksodɔs 29:2

Men ta ayunyifu nɛ a pe nɛnɛ n wora bodobodo nɛ a maŋ kɔ yiisi. Men ta ɔlif be ŋku n wora bodobodo na be ako nseŋ wora ako malɛ loŋ, nseŋ ta nyifu na be ako malɛ n wora ekrakashi n ta ɔlif be ŋku n wurge amo so.

Aizaaya 62:9

Ama fo nɛ fo dɔ ayu na n teŋi na e naaŋ ji amo nseŋ di Enyɛnpe Ebɔrɛ epaŋ ŋkpal amo so. Fo nɛ fo keni ndibi sɔrso na so nseŋ chuge amo be asɔrso na, e naaŋ nu amo be yabra ashi ma bɔrɛlambu be kelɔnɛ so.”

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Jowɛl 1:9

Kebɔltofinfin pɛ bɔrɛmatapoana nɛ b wɔ Enyɛnpe Ebɔrɛ be bɔrɛlambu to a shuŋ na gba ŋkpal kuyu baŋɛto nɛ kusɔ nuuso kikɛ ka maŋ naa wɔtɔ nɛ b ta n lara sarga n sa Enyɛnpe Ebɔrɛ na so.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Levitikɔs 2:4

Nɛ fanɛ b ta ayu na n wora bodobodo nna, kumo ere a sa maa kɔ yiisi amo to. Ama a beeŋ tiŋ a la bodobodo nɛ b ta nyifu nɛ a pe nɛnɛ nseŋ ta ɔlif be ŋku n wea amo to n wora, ŋko ekrakashi nɛ b ta ɔlif be ŋku m baga amo.

Levitikɔs 7:12

Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Levitikɔs 9:4

nseŋ naŋ ta gbolu nɛ kpakpa n lara kɔnɔkoŋwule be sarga. A daga b ta amo n ti ayu be sargajibi nɛ b ta ŋku m baga amo n lara kɔnɔkoŋwule be sarga n sa Enyɛnpe Ebɔrɛ na. A daga b ka wora loŋ, ŋkpal manɛ so, Enyɛnpe Ebɔrɛ na beeŋ lar bumo so kabre.”

Nɔmbɛs 15:10

nseŋ ta yabra belbelso kɔlba anyɔ n ti so m ba lara asɔnuuso malɛ be sarga. Le be esarga ere be efɛa bee wora Enyɛnpe Ebɔrɛ ebel nna.

Nɔmbɛs 6:16

Bɔrɛmatapo na beeŋ ta kpakpafɔlbi na nɛ kebolpɔche na n lara alubi be ketampaŋ be sarga nɛ sarga chɔɔso n sa Enyɛnpe Ebɔrɛ.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

1 Kɔrintebi 11:26

Ŋkpal manɛ so, saŋkama nɛ menyee we bodobodo ere nsaa nuu kawiebi ere to be asɔ, menyee kute Enyɛnpe na be luwu be asheŋ to nna na hale n ya fo saŋɛ nɛ e beeŋ ya ba na.