Nɔmbɛs 6:12 - EBƆRƐ BE KAWƆL

¹² nseŋ naŋ ta mbe kumu n yili fanɛ esa nɛ e wɔtɔ n sa Ebɔrɛ nawule. Kumo be kaman nɛ e ta kpakpa nɛ k fo kafɛ m ba lara kejintɔr be sarga ŋkpal e ka daŋ barga mbe amu Enyɛnpe Ebɔrɛ na kutɔ jemanɛ ko so.

Nɔmbɛs 6:12 ပူးပေါင်းရင်းမြစ်များ

Ɛksodɔs 12:5

Laŋ kama to be kusɔbɔya e baa la kusɔbɔyanyɛnso nɛ k ji kafɛ koŋwule nsaa maa kɔ ndulgi kikɛ. Baaŋ tiŋ n lara kumo ashi mbolpɔ to ŋko mboe to.

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Levitikɔs 14:24

Bɔrɛmatapo na beeŋ maŋ kpakpa na nɛ ɔlif be ŋku na so ashi Enyɛnpe Ebɔrɛ na be anishito nɛ a baa la sargagboŋ nɛ k bee yɔ bɔrɛmatapo na kutɔ.

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Nɔmbɛs 6:11

Ndoŋ nna nɛ bɔrɛmatapo na e ta mbuibi na be eko n lara kulubi be sarga nseŋ ta eko malɛ n lara sarga chɔɔso ŋ kule kulubi be ketampaŋ n sa bumo, ŋkpal esa ka wu mbe anishito so. Kumo be kamɔnchɛ kikɛ nɛ e naŋ ta mbe amu n yili cheembi n sa Ebɔrɛ,

Nɔmbɛs 6:13

Jemanɛ nɛ e nase nnɔ fanɛ e baa wɔtɔ n sa Enyɛnpe Ebɔrɛ nawule na baŋ fo ekar e beeŋ yɔ Enyɛnpe be wajɛbu na be kabuna to

Matiu 24:13

Ama ekama nɛ e ji kanyiti n ya fo lalaloge na beeŋ nya kumɔlga.

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Jeems 2:10

Nɛ esa kaŋɛ fanɛ e bee bɛ Ebɔrɛ be mbraana na kikɛ so nseŋ wora n da amo to be kukoŋwule gba so, amodoŋwura tɔr Ebɔrɛ be ntaŋana kikɛ.

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.