Nɔmbɛs 5:18 - EBƆRƐ BE KAWƆL

¹⁸ Kumo be kaman nɛ eche na e deŋi mbe shata nseŋ ta sarga nɛ b kɔ aboyunyifu a lara na ŋ keta, nɛ bɔrɛmatapo na malɛ e keta kaba na nɛ nchu kekra nɛ a bee bar kɔnɔsho na.

Nɔmbɛs 5:18 ပူးပေါင်းရင်းမြစ်များ

Aŋasa 5:4

ama fo baŋ di mo n loge, ebesa nɛ n daa nyi nna e naa bɛ kumo so.

Kaŋinichiŋgeliŋ 7:26

Ade kikɛ be kaman nɛ n naŋ wu fanɛ eche dalubiwura, lubi a chɔ luwu. E du nna fanɛ b ka so kejigbelɛ na. Mbe kasha nɛ e beeŋ sha fo na bee pɛ nna fanɛ kashewu; Nɛ mbe enɔ nɛ e beeŋ ta n deŋi fo so na malɛ du fanɛ ŋgbɛlɛbi. E maaŋ tiŋ n nya esa nɛ e bee wora Ebɔrɛ be aparsheŋ ama alubiworapo bre e bee pɛ mo nna manaŋ.

Aizaaya 38:17

Ma nɛnɛ so nɛ fo shin nɛ asheŋ kpakpaso ere tu ma. Ama fo kasha kuŋ ma, nɛ m maŋ wu n yɔ bubuni to. Fo alɛ kpele fo anishi n lɛ ashi ma alubi so.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Levitikɔs 13:45

Esa kama nɛ e bee lɔ kulɔ lubi daga e baa buu asɔfarbi nsaa maa mɔ mbe emin to nna. Mo alɛ e baa ta wajɛ a buu mbe kamuna so a gbelge mbe eyur so nsaa nite a ponte to a kaŋɛ, ‘M maŋ walɛ so, m maŋ walɛ so!’

Nɔmbɛs 5:15

kumo ere, k daga enyɛn na ka keta eche na nseŋ ta aboyunyifu kurwa koŋwule n ti so n yɔ bɔrɛmatapo kutɔ n ya sulge eche na so. Ama a maŋ daga e ka ta ɔlif be ŋku ŋko duwu n ti amo so, ŋkpal manɛ so, kukɔrkɔ be kesulge be sarga nna.

Nɔmbɛs 5:17

nseŋ chulgi nchu cheembi n wɔtɔ kaba to nseŋ jɔ wajɛbu na to be shishɛr n wɔtɔ nchu na to nɛ a ki kekra.

Nɔmbɛs 5:19

Kede be kaman nɛ bɔrɛmatapo na e kaŋɛ le: “Nɛ fo maŋ ji kubojua bre, nchu kekra ere maaŋ bar fo tɔrɔ.

Nɔmbɛs 5:22

Nchu ere e naŋ shin nɛ fo epun e tiŋ nɛ fo ki egbentepo malɛ gba n ti so.” Ndoŋ nna nɛ eche na e shuli so ŋ kaŋɛ le: “Mm, ma alɛ gba shuli loŋ.”

1 Kɔrintebi 11:15

Ama men maŋ nyi fanɛ nɛ eche bre kɔ emin tenteŋ, k la mbe kemaŋkura nna a? Ŋkpal manɛ so, Ebɔrɛ sa mo emin tenteŋ na nna nɛ a baa buu mo so.

1 Kɔrintebi 11:6

Nɛ eche baa maa ta shɛŋ a chɛ kumu, kumo ere a daga fanɛ e shin nɛ b she mo. Ama nɛ fanɛ keshɛ eche na ŋko kekpesa mo so bee keta mo anishinyɔr bre, kumo ere amo be kache na e baa ta kusɔ a chɛ mbe kumu.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

1 Samuɛl 15:32

Nɛ Samuɛl ponte ŋ kaŋɛ le: “Men ta Amalɛk be ewura Agag na m ba sa ma nfe.” Nɛ Agag ba yili Samuɛl kutɔ nsaa chicha kufuso a fɛ mbe kumu to le: “Naniere bre b maaŋ naŋ mɔ ma.”