Nɔmbɛs 4:25 - EBƆRƐ BE KAWƆL

²⁵ wajɛbu na nɛ kumo be kabuna to be patisa na nɛ acheembiana to be kakpa cheembi na be kabuna to be patisa na nɛ kusɔbɔya be kawɔl lela nɛ baa yuu a kulti kumo na

Nɔmbɛs 4:25 ပူးပေါင်းရင်းမြစ်များ

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 26:14

Ade be kaman nɛ men ta ekpakpa be nwɔl nɛ b nyɔɔ m pere n naŋ lɔŋɛ wajɛbu na be buuso nyɔsopo, nseŋ ta echuru be nwɔl nɛ b gbiti nɛnɛ ŋ ki lalaloge be buuso.

Ɛksodɔs 40:19

Kede be kaman nɛ e shin nɛ b ta patisagboŋ na m parga m buu Ebɔrɛ be wajɛbu na so nseŋ naŋ ta asɔbɔya be nwɔl nɛ b gbiti nɛnɛ na malɛ n deŋi patisagboŋ na so fanɛ kananɛ Enyɛnpe Ebɔrɛ daŋ kaŋɛ mo na.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 4:24

Gɛshɔn be kabuna ebi na be kushuŋ a naaŋ baa la kebaasulɔ

Nɔmbɛs 4:6

Kumo be kaman nɛ b ta kusɔbɔya be kawɔl lela m parga m buu kumo so, nseŋ parga wajɛ nɛ k la buru gbagba n deŋi so n ti so pɔɛŋ nseŋ ta ndibi nɛ baa pɛ to a sulɔ kumo na n yisi n wɔtɔ amo be kakpa.