Nɔmbɛs 4:15 - EBƆRƐ BE KAWƆL

¹⁵ Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:15 ပူးပေါင်းရင်းမြစ်များ

2 Samuɛl 15:24

Bɔrɛmatapoana Zadɔk nɛ Abiata nɛ Livai be kanaŋ to be basa nɛ baa sulɔ Enyɛnpe Ebɔrɛ be ŋkre be deka cheembi na gba daŋ ti bumo so. B ka suge deka na n yili, b maŋ naŋ ta kumo kikɛ hale ewura Deevid nɛ mbe basa na kikɛ lar kade na to.

2 Samuɛl 6:13

Basa nɛ b sulɔ deka na ka teŋi ateŋgreŋ ashe, nɛ e shin nɛ b yili; ndoŋ nna nɛ e lara gbolu nɛ kena fɔlbi duliduli ko n lara sarga n sa Ebɔrɛ.

1 Bewura 8:3

Bejuŋkparpoana na kikɛ ka shɛr abar so, nɛ bɔrɛmatapoana na maŋ ŋkre be deka na so,

1 Kronikɛls 15:15

Livaiebi na daa ta ndibi tentembi nna a wɔtɔ kumo to a maŋ so a deŋi bumo be abatimu so a sulɔ fanɛ kananɛ Enyɛnpe Ebɔrɛ baaŋ kaŋɛ Mosis na gbagba.

1 Kronikɛls 15:2

Kumo be kaman nɛ Deevid kaŋɛ le: “Livaiebi na nawule a daga fanɛ b baa sulɔ ŋkre be deka na ŋkpal manɛ so bumo nɛ Enyɛnpe Ebɔrɛ lara fanɛ b baa sulɔ kumo nsaa shuŋ mo mbaanaayɔ.”

1 Kronikɛls 23:26

Amoso Livaiebi na maaŋ naa sulɔ Enyɛnpe Ebɔrɛ be wajɛbu na nɛ asɔ nɛ b kɔ ashuŋ kumo to na a nite.

Ɛksodɔs 19:12

Chaŋ egbaŋ ŋ kulti kebee na nɛ basa na e yili ŋ kulti egbaŋ na nɛ fo kaŋɛ bumo le: ‘Men baa da so fanɛ men maaŋ temba egbaŋ ere n dii kebee ere so. Men sa maŋ kaŋ beta kumo gba. Esa kama nɛ e baŋ chɛ keya kebee na so, baaŋ mɔ mo.

Ɛksodɔs 19:21

Nɛ Enyɛnpe Ebɔrɛ kaŋɛ mo le: “Yɔ n ya kpele basa na kusoe fanɛ b sa maŋ kaŋ temba egbaŋ na a fin kewu ma kenishiso. B kaŋ baŋ wora loŋ, bumo be bedamta beeŋ wu.

Ɛksodɔs 27:7

Kumo be kaman nɛ men ta amo n yisi n wɔtɔ bɔrɛsure na be akel to be mpinibi anyɔ na to a pɛ amo to a ta kumo.

Levitikɔs 16:13

E beeŋ ta duwu na n wɔtɔ edɛ na to ashi Enyɛnpe Ebɔrɛ na be anishito ndoŋ nɛ duwu na be edishi a buu kɔnɔkoŋwule be ŋkre be deka na be buuso na so, saŋɛ na so e maaŋ wu kumo kenishiso nseŋ wu.

Nɔmbɛs 1:50

Shin nɛ Livaiebi na e baa keni Enyɛnpe be wajɛbu na nɛ asɔ nɛ a wɔ kumo to kikɛ so. Bumo e naŋ baa sulɔ kumo nɛ asɔ nɛ a wɔ kumo to na kikɛ, nsaa keni kumo so, a yuu kumo nsaa yuu bumo be ewajɛbu a chena a kulti kumo saŋkama nɛ b wora keeyito popɔr.

Nɔmbɛs 1:51

Saŋkama nɛ men baŋ chɛrga echenakpa, Livaiebi na e naaŋ baa bɔɔ Enyɛnpe be wajɛbu na. Bumo koŋwule na malɛ e naaŋ baa yuu kumo kaplɛkama nɛ men ya chena. Esa pɔtɛ kama malɛ nɛ e yili n taga Enyɛnpe be wajɛbu na to b mɔ mo.

Nɔmbɛs 10:21

Kohaf be kabuna ebi nɛ b la Livaiebi na be kushuŋ e daa la asɔ cheembi nɛ baa ta a wora asheŋ wajɛbu na to be kebaasulɔ. Ama a daga b ka yuu wajɛbu na keeyi popɔr na to nna pɔɛŋ nɛ bumo kikɛ e fo ndoŋ.

Nɔmbɛs 18:3

Shin nɛ b baa shuŋ kushuŋ kama nɛ feeŋ sa bumo ashi wajɛbu na to, ama b sa maŋ kaŋ beta asɔ cheembi nɛ a wɔ Enyɛnpe be wajɛbu na to na nɛ bɔrɛsure na bre, nɛ mannɛ aloŋ, fo nɛ bumo kikɛ beeŋ wu.

Nɔmbɛs 3:38

Mosis nɛ Ɛɛrɔn nɛ Ɛɛrɔn be mbia beeŋ wora bumo be echenakpa ashi wajɛbu na be anishito a laŋɛ epeŋilarkpa be kaba so. Bumo e naaŋ baa juŋkpar Israɛlebi na nɛ b baa bunyaŋ Enyɛnpe Ebɔrɛ. Esa pɔtɛ kama malɛ nɛ e pɛl n sɔ Mosis ŋko Ɛɛrɔn be kushuŋ a shuŋ, b mɔ mo.

Nɔmbɛs 4:14

Ade kikɛ be kaman nɛ b ta asɔ nɛ b kɔ a chɔɔ edɛ na, nɛ anyembi chule eblaŋ na, nɛ shabɔl nɛ ntishaŋgboŋ nɛ b kɔ a shuŋ bɔrɛsure na ase na kikɛ n deŋi wajɛ peper na so, nseŋ ta kusɔbɔya be kawɔl lela m parga m buu amo so pɔɛŋ nseŋ ta ndibi nɛ baa ta a wɔtɔ kumo to a sulɔ na n wɔtɔ amo be kakpa.

Nɔmbɛs 4:19

e taga asɔ cheembi na to saŋɛ nɛ b maŋ naŋ buu amo so, mannɛ aloŋ, baaŋ wu. Amoso men shin nɛ Ɛɛrɔn nɛ mbe mbinyɛnsobi e tu Kohafebi na n luri wajɛbu na to ŋ ŋini bumo be ekama kusɔ nɛ e beeŋ sulɔ.

Nɔmbɛs 4:20

Hale nɛ Kohafebi na luri wajɛbu na to n ya tu bɔrɛmatapoana na nɛ b kraa buu asɔ cheembi na gba, baaŋ wu.”

Nɔmbɛs 7:9

Ama Mosis daa maŋ sa Kohafebi na bre asɔ na be kekama, ŋkpal manɛ so, abatimu so e daga fanɛ bumo ere e baa sulɔ asɔ cheembi nɛ baa keni so na.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 4:10

Bɔrɛmatapoana na sulɔ ŋkre be deka na nna a yil Jɔɔdan be lɔr na be nferinto hale nɛ basa na wora kusɔ kama nɛ Enyɛnpe Ebɔrɛ na kaŋɛ Joshuwa fanɛ b wora na. Loŋ nɛ Mosis gba daŋ kaŋɛ Joshuwa fanɛ e wora na. Basa na daŋ wora manaŋ nna n dii Jɔɔdan be lɔr na be kaba ndoŋ.

1 Samuɛl 6:19

Enyɛnpe Ebɔrɛ daŋ mɔ Bɛf Shimɛsh be benyɛn adushunu kikɛ nna ŋkpal b ka jule ŋ keni ŋkre be deka na to so. Nɛ basa na shu keeli ga ŋkpal basa damta nɛ Enyɛnpe Ebɔrɛ mɔ na so.