Nɔmbɛs 35:32 - EBƆRƐ BE KAWƆL

³² Esa kama nɛ e shile n yɔ kesɔnyige be kade kama nɛ b ji mbe demu nseŋ wu fanɛ e maŋ la emɔpo, maŋ daga e ka amansherbi nseŋ nya ekpa m bɛta n yɔ epe pɔɛŋ nɛ bɔrɛmatapo nimuso na e wu.

Nɔmbɛs 35:32 ပူးပေါင်းရင်းမြစ်များ

2 Samuɛl 21:4

Nɛ Gibiɔnebi na kaŋɛ le: “Shuwa nɛ gbiti maaŋ tiŋ ŋ ka kusɔ nɛ Sɔɔl nɛ mbe kanaŋ wora anyi na be kukɔ. Anyi alɛ maŋ kɔ ekpa nɛ an mɔ Israɛl be esa n tal to.” Nɛ Deevid kaŋɛ bumo le: “Meeŋ wora kusɔ kama nɛ menyee sha ŋ ka wora n sa menyi.”

Nɔmbɛs 35:31

Emɔpo kikɛ daga fanɛ b mɔ mo alɛ gba. A maŋ daga fanɛ b ka amansherbi n sɔ mo.

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Galeeshaebi 2:21

M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.