Nɔmbɛs 35:15 - EBƆRƐ BE KAWƆL

¹⁵ Le be nde ere e naaŋ baa la kesɔnyige be nde n sa Israɛlebi na nɛ befɔ nɛ bekama nɛ b chena menyi to na. Ekama nɛ e maŋ kute n mɔ esa beeŋ tiŋ n shile n ya ŋana ndoŋ.

Nɔmbɛs 35:15 ပူးပေါင်းရင်းမြစ်များ

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

Ɛksodɔs 12:49

Le be mbra ere malɛ beeŋ baa la mbra koŋwule nna n yili n sa bekama nɛ b la Israɛl be ndetobia nɛ bumo nɛ b la befɔ nseŋ ba chena menyi to kikɛ.”

Levitikɔs 24:22

Mbra ere wɔtɔ nna n sa menyi Israɛlebi nɛ befɔ nɛ b wɔ men to na kikɛ, ŋkpal manɛ so, ma e la Enyɛnpe menyi be Ebɔrɛ na.”

Levitikɔs 4:2

“Kaŋɛ Israɛl be basa na fanɛ esa kikɛ nɛ e maŋ kute n wora kulubi n da Enyɛnpe Ebɔrɛ na be mbra so, kusɔ nɛ e beeŋ wora nde.

Nɔmbɛs 15:16

nɛ le be mbra ere malɛ la menyi nɛ bumo kikɛ peya.

Nɔmbɛs 35:11

men lara kesɔnyige be nde ko n yili, saŋɛ na so, esa kama nɛ e maŋ kute m mɔ esa, beeŋ tiŋ n shile n ya ŋana ndoŋ.

Romebi 3:29

Ŋko Ebɔrɛ la Juwebi nawule be Ebɔrɛ nna a? Mannɛ basa pɔtɛ gba be Ebɔrɛ e la mo a? Bumo alɛ gba be Ebɔrɛ nna walɛ.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.