Nɔmbɛs 34:12 - EBƆRƐ BE KAWƆL

¹² nseŋ ta m bɛ Jɔɔdan be lɔr na so n ya tar Nfɔl be Teku na. Kananɛ kasawule na be abonfuana na be ekar beeŋ ba du nna na.”

Nɔmbɛs 34:12 ပူးပေါင်းရင်းမြစ်များ

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 14:3

Bewura anu nɛ b ti bumo be atre kaman to ere daŋ wora kɔnɔkoŋwule nna m ba abar so ashi Sidim be ketaŋɛ to. [Ndoŋ nɛ baa tre nfɔl be teku na.]

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ezikɛl 47:13

Ade kikɛ be kaman, nɛ Enyɛnpetale Ebɔrɛ na naŋ kaŋɛ Israɛl be basa na le: “Kananɛ kasawule nɛ menyeeŋ chige to n sa Israɛl be eyiri kudu anyɔ na be egbaŋ daga fanɛ a baa du nde. Josɛf be eyiri anyɔ nɛ baa tre Manase nɛ Efrayim na beeŋ nya mboŋ anyɔ.

Nɔmbɛs 34:11

nseŋ naŋ bɔla kelargato be kaseto be kaba so n ya fo Habeɛl nɛ k wɔ Ain be epeŋilarkpa be kaba so na, n ta n ya fo Tekugboŋ nɛ baa tre Galili na be epeŋilarkpa be kaba so,

Nɔmbɛs 34:13

Ndoŋ nna nɛ Mosis kaŋɛ Israɛlebi na le: “Enyɛnpe Ebɔrɛ ta kasawule ere nna n sa eyiri akpanu nɛ bargato na. Men to beri m barga amo to n sa abar.

Nɔmbɛs 34:3

Kumo be kelargato be kaseto be kaba so beeŋ yili Zin be keshishɛrsawule na nɛ Edɔm be kasawule be kelargato be esoso be epeŋitɔrkpa be kaba so. Kumo be ekar beeŋ fara Nfɔl be Teku na be kelargato be kaseto be kaba so be epeŋilarkpa be kaba so,

Joshuwa 13:1

Joshuwa ka bel na nɛ Enyɛnpe Ebɔrɛ kaŋɛ mo le: “Naniere bre fo bel ga, ama kasawule damta kraa wɔtɔ nɛ men sɔ.

Joshuwa 15:5

Bumo be epeŋilarkpa be kaba so be kasawule be ekar daŋ fara Nfɔl be Teku na nna n ya fo kumo be kakpa nɛ Jɔɔdan be lɔr na bee luri kumo to na. Bumo be kelargato be esoso be kaba so be kasawule malɛ fara kakpa nɛ Jɔɔdan be lɔr na bee luri Nfɔl be Teku na to na nna.