Nɔmbɛs 33:55 - EBƆRƐ BE KAWƆL

⁵⁵ Ama nɛ men baa maŋ ju basa nɛ b wɔ kasawule na so bre, baaŋ ki fanɛ ndubi a chute men be anishito ŋko ewi men be nle to a jɔ menyi. Baaŋ sa menyi tɔrɔ damta kasawule na so.

Nɔmbɛs 33:55 ပူးပေါင်းရင်းမြစ်များ

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Ezikɛl 28:24

Kumo be kaman, nɛ Enyɛnpe Ebɔrɛ na naŋ kaŋɛ le: “Efuliana nɛ a kulti Israɛl be basa n wɔtɔ a keni bumo jiga nsaa tege bumo na be kekama maaŋ naa la fanɛ ewi ŋko gɔŋnyaŋɛ a tɔrɔ Israɛl be basa. Ndoŋ nɛ baaŋ pin fanɛ ma, e la Enyɛnpetale Ebɔrɛ na.”

Nɔmbɛs 33:56

Men baa maŋ ju bumo, meeŋ mur menyi fanɛ kananɛ ŋ kre fanɛ meeŋ mur bumo na.”

2 Kɔrintebi 12:7

Ŋkpal kananɛ k beeŋ wora nɛ n sa maŋ kpal kewuŋkaŋɛ damta gboŋana mo nɛ n nya na so ŋ kpaŋ ma kumu so so, Ebɔrɛ sa ma ebesa ko nna, k la Setani be kabɔ nna nɛ e bee tɔrɔ ma. Saŋɛ na so, m maaŋ baa nya ekpa a maŋ ma kumu so m baŋ so.

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

Demujipoana 2:3

To, mee kaŋɛ menyi nna fanɛ m maa ba nɛ m ba ju bumo ŋkpal menyi so, ama baaŋ ki men doŋana nɛ bumo be agbir malɛ e ki ajigbelɛ n sa menyi.”