Nɔmbɛs 33:53 - EBƆRƐ BE KAWƆL

⁵³ Men sɔ kasawule na kikɛ n chena so, ŋkpal manɛ so, ma e naa ta kumo a sa menyi.

Nɔmbɛs 33:53 ပူးပေါင်းရင်းမြစ်များ

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Nshɛ 115:16

Ebɔrɛso la Enyɛnpe Ebɔrɛ na nawule peya nna, ama e ta kasawule nna n sa anyi edimɛdi.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Matiu 20:15

M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”

Ditɛronɔmi 11:31

Menyee dii Jɔɔdan be lɔr na nna nɛ men ya sɔ kasawule nɛ Enyɛnpe menyi be Ebɔrɛ na bee ta a sa menyi nɛ men chena so na nna na. Nɛ men kaŋ ya sɔ kumo n chena ndoŋ,

Ditɛronɔmi 17:14

Israɛlebi, men kaŋ ya kɔ n sɔ kasawule nɛ Enyɛnpe menyi be Ebɔrɛ na bee sa menyi na n chena so, menyeeŋ kaŋɛ fanɛ menyee sha ewura fanɛ efuliana pɔtɛana nɛ a kulti menyi na.

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.

Ditɛronɔmi 7:17

Men sa maŋ kaa fɛ fanɛ basa na shibi a chɔ menyi so menyi maaŋ tiŋ n ju bumo n lar kasawule na so.

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 21:43

Enyɛnpe Ebɔrɛ na daŋ ta kasawule nɛ e nase kɔnɔ kpakpaso fanɛ e beeŋ sa bumo nananyɛnana na nna n sa Israɛlebi na. B ka kɔ n sɔ kasawule na nɛ b chena kumo so.

Joshuwa 23:5

Enyɛnpe menyi be Ebɔrɛ na gbagba beeŋ shin nɛ b bɛta n shile nɛ e ju bumo saŋɛ nɛ menyee ba na. Menyeeŋ sɔ bumo be kasawule na ŋ ki menyi be kapetɛ fanɛ kananɛ Enyɛnpe Ebɔrɛ na nase kɔnɔ n sa menyi na.