Nɔmbɛs 32:6 - EBƆRƐ BE KAWƆL

⁶ Ndoŋ nna nɛ Mosis kaŋɛ le: “Menyee sha kebaawɔ nfe nna nɛ men braana Israɛlebi nɛ b ka na bre e baa yɔ kena to a?

Nɔmbɛs 32:6 ပူးပေါင်းရင်းမြစ်များ

2 Samuɛl 11:11

Nɛ Yuriya kaŋɛ Deevid le: “Israɛl nɛ Juda be basa kikɛ lar n choŋ kena to nɛ ŋkre be deka na malɛ gba wɔ bumo kutɔ, hale benapo be ejuŋkparpo Jɔab nɛ benimu nɛ b bɛ mo so na kikɛ dese kowushina, nuso nɛ ma ere bee dese laŋ to a ji a nuu, nɛ ma nɛ ma eche e baa di? M maaŋ wora loŋ kikɛ!”

Nɔmbɛs 32:5

Amoso jande ta kasawule ere n sa anyi nɛ k ki anyi be kapetɛ, saŋɛ na so, anyi ere maaŋ naŋ dii n yɔ Jɔɔdan be lɔr na be kaba ndoŋ n ya chena.”

Nɔmbɛs 32:7

Men wora loŋ, menyeeŋ shin nɛ Israɛlebi na be aba e pɔ nɛ b kini kedii Jɔɔdan be lɔr na n yɔ kasawule nɛ Enyɛnpe Ebɔrɛ ta n sa bumo na so.

1 Kɔrintebi 13:5

Esa nɛ e kɔ kasha maa fin mo gbagba nawule be kelela. Kasha wɔ esa to e maa nya agbo manaŋ manaŋ, mo alɛ maa ta alubi nɛ esa wora mo a wɔtɔ kagbene to.

Filipaiebi 2:4

Men be ekama e sa maa wɔtɔ a de mo gbagba nawule be aparsheŋ so, a daga fanɛ e baa de mo braana gba be aparsheŋ so.

Demujipoana 5:16

Manɛ e ba nɛ bumo ere shir a wɔ bumo be mbolpɔ ase? Mbolpɔkpapoana be kafoli nɛ baa sha kenu a? Kashenteŋ, Ruben be yiri to ebi maŋ kɔ kɔnɔkoŋwule abar so. Amoso, b daŋ maŋ tiŋ ŋ kre fanɛ b ba ŋko b sa maŋ ba.