Nɔmbɛs 32:41 - EBƆRƐ BE KAWƆL

⁴¹ Jair nɛ e shi Manase be yiri to na e daŋ ya kɔ n sɔ ndewurbi ko nseŋ nase amo Jair be ndewurbi.

Nɔmbɛs 32:41 ပူးပေါင်းရင်းမြစ်များ

1 Bewura 4:13

Bɛngeba e daa keni Ramɔf be kade nɛ k wɔ Giliad na, nɛ ndewurbi nɛ a wɔ kumo be kasawule so nsaa la Jair nɛ e la Manase be kaman to ebi na peya na so. Mo koŋwule na e daŋ naa keni Agob be kebonfu nɛ k wɔ Bashan be kasawule so nsaa kɔ nde adeshe nɛ b pɔr egbal ŋ kulti amo nseŋ ta danyaŋ n lɔŋɛ amo be akuloŋgboŋana na kikɛ so.

Ditɛronɔmi 3:14

Ndoŋ nna nɛ kanyɛn nɛ baa tre Jaiya nɛ e shi Manase be yiri to na malɛ ta Agob be efuli so be kebonfugboŋ be kasawule na kikɛ, yili Bashan hale n ya lar Gɛshɔr nɛ Maaka be basa be egbaŋ to. (Jaiya daŋ ta mbe ketre nna n nase ndewurbi na kikɛ, hale nɛ mbre baa tre amo Jaiya be ndewurbi nna.)

Joshuwa 13:30

Bumo e daa wɔ Mahanaim nɛ Bashan kikɛ be kasawule. Bashan be ewura nɛ baa tre Ɔg na be efuli kikɛ, nɛ Jair be nde adeshe nɛ a wɔ Bashan na kikɛ daŋ ti bumo be kasawule na so nna.

Demujipoana 10:4

E daa kɔ mbia adesa nna nɛ bumo be ekama daa dii ekurma nsaa kɔ kade nɛ e bee keni so ashi Giliad be efuli so. Nde adesa nɛ b daa keni so na kikɛ nɛ baa tre Havof Jeya. Kumo be kifito e la Jeya be echenakpaana.