Nɔmbɛs 32:33 - EBƆRƐ BE KAWƆL

³³ Ndoŋ nna nɛ Mosis ta ewura Sihɔn nɛ e la Amɔriebi be ewura na, nɛ ewura Ɔg nɛ e la Bashan be ewura na be nsawule nɛ efuli na so be nde nɛ a kulti ndoŋ na kikɛ n sa Manase be yiri be bargato nɛ Gad nɛ Ruben be eyiriana.

Nɔmbɛs 32:33 ပူးပေါင်းရင်းမြစ်များ

1 Kronikɛls 26:32

Ndoŋ nna nɛ ewura Deevid lara Jeriya be kanaŋ to be bejuŋkparpo nɛ baa tiŋ a wora asheŋ nɛnɛ na be basa ŋgboŋ anyɔ nɛ alfa ashunu nɛ baa juŋkpar kabɔrɛshuŋ nɛ ekrachi be asheŋ ashi Israɛl be kasawule nɛ k wɔ Jɔɔdan be lɔr na be epeŋilarkpa be kaba so nsaa la Ruben nɛ Gad nɛ Manase be yiri be bargato be nsawule na so.

1 Kronikɛls 5:18

Ruben nɛ Gad nɛ Manase be basa nɛ b wɔ epeŋilarkpa be kaba so na daa kɔ benapo ŋgboŋ adena nɛ ana nɛ alfa ashunu nɛ adeshe nɛ b ŋini bumo kananɛ baa ta abɛlso be asɔ kuŋso nɛ etokobi nɛ ata nɛ atanyembi a kɔ kena.

Nɔmbɛs 32:1

Ruben nɛ Gad be eyiriana nɛ b kɔ asɔbɔya ga na ka wu fanɛ Jeeza nɛ Giliad be kasawule na kɔ ana nɛ mbolpɔ nɛ mboe be ejikpa lela,

Nɔmbɛs 32:32

Anyeeŋ bɛ mbe kamalga so nseŋ dii n yɔ Keenan be kasawule so n ya kɔ n sa Enyɛnpe Ebɔrɛ, ama kasawule nɛ k wɔ Jɔɔdan be lɔr na be epeŋilarkpa be kaba so na e naaŋ baa la anyi be kapetɛ.”

Nɔmbɛs 34:14

Ruben nɛ Gad be eyiri nɛ Manase be yiri be bargato na bre tiŋ n nya bumo be kasawule

Nɔmbɛs 34:15

ashi Jɔɔdan be lɔr nɛ Jɛriko wɔ kumo be kaba ndoŋ na be epeŋilarkpa na be kaba so.”

Ditɛronɔmi 29:8

nseŋ daŋ sɔ bumo be nsawule m barga to n sa Ruben nɛ Gad be yiri to ebi nɛ Manase be yiri be bargato ebi.

Joshuwa 12:1

Bewura nɛ Israɛlebi na daŋ kɔ m pɔɔ so nseŋ sɔ bumo be nsawule nɛ a wɔ Jɔɔdan be lɔr na be epeŋilarkpa, nseŋ yili Aanɔn be ketaŋɛ to ashi kelargato be kaseto n ya fo kebeegboŋ nɛ baa tre Hɛɛmɔn na ashi kelargato be esoso na nde.

Joshuwa 12:6

Mosis nɛ Israɛlebi na daŋ kɔ nna m pɔɔ le be bewura anyɔ ere so, nɛ Enyɛnpe Ebɔrɛ be kayɛrbi Mosis barga bumo kasawule to n sa Ruben nɛ Gad be eyiri na nɛ Manase be yiri be bargato fanɛ k ki bumo be kapetɛ.

Joshuwa 14:3

Mosis teŋ barga kasawule nɛ k wɔ Jɔɔdan be lɔr na be epeŋilarkpa be kaba so na to nna n sa Israɛl be eyiri anyɔ nɛ yiri na be kuko be basa be bargato. (Josɛf be kaman to ebi bre daŋ barga to ntuŋ anyɔ nna ŋ ki Manase nɛ Efrayim be eyiri.) Mosis daa maŋ sa Livaiebi na bre kasawule kikɛ. Nde nɛ a kɔ asɔbɔya be ejikpa be nsawule m mata amo nawule nɛ e sa bumo nɛ b chena.

Joshuwa 22:4

Naniere Enyɛnpe menyi be Ebɔrɛ na ka sa men niopibiana Israɛlebi kagbenewushi fanɛ kananɛ e nase kɔnɔ na ere, men bɛta n yɔ menyi be kasawule nɛ k wɔ Jɔɔdan be lɔr na be epeŋilarkpa be kaba so nɛ Enyɛnpe Ebɔrɛ be kayɛrbi Mosis ta n sa menyi na so.

1 Samuɛl 13:7

nɛ beko malɛ dii Jɔɔdan be Lɔr na n yɔ Gad nɛ Giliad be efuliana so. Sɔɔl bre daa wɔ Gilgaal nna, nɛ benapo nɛ mo nɛ bumo daa wɔ ndoŋ na daa chicha kufuso.