Nɔmbɛs 31:8 - EBƆRƐ BE KAWƆL

⁸ n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Nɔmbɛs 31:8 ပူးပေါင်းရင်းမြစ်များ

Nshɛ 10:2

Ŋkpensheŋ e luri m bɔlɔ basa lubi to nɛ baa fin bebɔlpo nɛ b baa tɔrɔ saŋkama. Shin nɛ b tɔr ajigbelɛ nɛ bumo gbagba sho na to.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Aŋasa 11:3

Basa lela be kashenteŋji e naa kuŋ bumo. Basa nɛ esa maaŋ tiŋ n yirda bre gbagba be kebirkɔnshi e naa mur bumo.

Aŋasa 13:17

Kabɔ wulpo e naa bar kebagato, ama kabɔ nɛ e bee ji kashenteŋ bre bee bar kayurwushi nna.

Habakuk 3:7

N wu kufu ka pɛ Kushan be yiri to ebi, nɛ Midia be yiri to be basa malɛ bee chicha.

Nɔmbɛs 22:10

Nɛ e kaŋɛ le: “Mowab be Ewura Balak e shuŋi bumo fanɛ b ba kaŋɛ ma

Nɔmbɛs 22:4

Nɛ Mowabebi na kaŋɛ Midianebi be bejuŋkparpo na le: “Jimaŋ ere beeŋ ba mur anyi be kusɔ kama fanɛ kananɛ gbolu bee we afitiri adɛdɛ so ashi kupuŋ to na.” Amoso Ewura Balak

Nɔmbɛs 22:5

daŋ kpal loŋ so nna, n shuŋi mbɔ fanɛ b ta le be kubɔya n ya sa Biyɔɔ pibinyɛn Balaam nɛ e wɔ Pɛɛtɔ nɛ k mata lɔrgboŋ nɛ baa tre Yufreetes nɛ k wɔ Amawu be kasawule so na. “Mee sha nɛ fo pin fanɛ efuli lelemu be basa shi Ijipt be efuli so m ba. Bumo alɛ bee salga to nna a sɔ kaplɛkama nsaa sha kesɔ anyi be kasawule kikɛ.

Nɔmbɛs 23:10

Wanɛ e naŋ tiŋ ŋ karga Israɛlebi nɛ b shi m baŋ so ere? Shin nɛ ma lalaloge be nchɛ e baa du fanɛ Ebɔrɛ be basa peya. Shin nɛ n wu fanɛ esa niŋiso.”

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Nɔmbɛs 24:25

Balaam ka malga n loge nɛ e bɛta n yɔ epe nɛ Ewura Balak malɛ gba bɛta mbe ayamu so.

Nɔmbɛs 25:15

Midianche na be ketre e daa la Kuuzbi. Mo tuto e daa la Zur nɛ e daa la Midian be mbuna na be kuko be enimu na.

Nɔmbɛs 25:18

ŋkpal b ka ku efɛ n wora kulubi ŋ gbiti fo ashi Piyɔɔ nɛ ŋkpal b ka mɔ Kuuzbi aleblawu be saŋɛ ashi Piyɔɔ na so.”

Nɔmbɛs 31:16

Bumo e daŋ bɛ Balaam be keŋini so n fule Israɛlebi na nɛ b kini Enyɛnpe Ebɔrɛ n ya ka shuŋ kegbir nɛ baa tre Baal ashi Piyɔɔ, nɛ Enyɛnpe Ebɔrɛ shin nɛ aleblawu ba mbe basa so na.

Nɔmbɛs 31:9

Israɛlebi na daŋ pɛ Midianebi na be beche nɛ mbia nna n ta bumo be ana nɛ mbolpɔ nɛ bumo be asɔ kikɛ,

2 Pita 2:15

B yige ekpa niŋiso na nseŋ foe m bɔla Biyɔɔ pibi Balaam nɛ e daŋ sha kebɔlɔ alubi so n dii dama na be ekpa.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.