Nɔmbɛs 31:50 - EBƆRƐ BE KAWƆL

⁵⁰ Amoso an kɔ shuwa be abitasɔ nɛ enɔ to be mpinibi nɛ enɔ to be ashembi nɛ mpinibi nɛ akonde nɛ abɔtoshembi a ba nɛ an ba sa Enyɛnpe Ebɔrɛ ŋkpal e ka kuŋ anyi ashi kena na to so.”

Nɔmbɛs 31:50 ပူးပေါင်းရင်းမြစ်များ

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 116:12

Manɛ bre nɛ meeŋ ta ŋ ka Enyɛnpe Ebɔrɛ na kukɔ, ŋkpal alelasheŋ nɛ e bee wora a sa ma so?

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Ɛksodɔs 30:12

“Fo kaa karga Israɛl be basa nɛ fo pin bumo be kɔnɔ, fo shin nɛ bumo be ekama e ka kusɔ ko ŋkpal mbe ŋkpa so, saŋɛ na so kulubi kama maaŋ tu mo kekarga na to.

Ɛksodɔs 35:22

Beche nɛ benyɛn kikɛ, daŋ bar shuwa be akonde nɛ mpinibi nɛ abɔtoshembi nɛ abitasɔ be yiri yiri kikɛ nna m ba sa Enyɛnpe Ebɔrɛ na.

Levitikɔs 17:11

Kusɔ keniso kikɛ be ŋkpa wɔ kumo be ŋklaŋ to nna, amoso nɛ Enyɛnpe Ebɔrɛ na kaŋɛ fanɛ b baa chulgi asɔbɔya be ŋklaŋ kikɛ a wurge bɔrɛsure na so nɛ a baa kpra basa na be alubi. Ŋklaŋ nɛ a la ŋkpa na a naa kpra alubi.

Nɔmbɛs 31:49

n ya kaŋɛ le: “Fo nyɛrbi ya karga benapo nɛ baa keni so na nseŋ wu fanɛ bumo be ekoŋwule gba maŋ foe.

Nɔmbɛs 31:51

Nɛ Mosis nɛ Eliaza kikɛ sɔ shuwa be abitasɔ na ashi benapo na be benimu na kutɔ.