Nɔmbɛs 31:41 - EBƆRƐ BE KAWƆL

⁴¹ Ndoŋ nna nɛ Mosis bɛ kusɔ nɛ Enyɛnpe Ebɔrɛ ŋini mo na gbagba so n ta asɔ nɛ a la Enyɛnpe Ebɔrɛ peya na n sa Eliaza.

Nɔmbɛs 31:41 ပူးပေါင်းရင်းမြစ်များ

Ɛksodɔs 12:28

Kumo be kaman nɛ Israɛlebi na yɔ n ya wora asɔ nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn na kikɛ chap.

Nɔmbɛs 18:19

Baŋ yili kabre a yɔ, sarga cheembi kama nɛ Israɛlebi na lara n sa ma ki fo nɛ fo mbinyɛnsobi nɛ mbichesobi peya mbaanaayɔ. Kɔnɔ nɛ n sa fo nɛ fo kaman to ebi nna na, kumo alɛ maaŋ chɛrga kikɛ.”

Nɔmbɛs 18:8

Kede be kaman nɛ Enyɛnpe Ebɔrɛ naŋ kaŋɛ Ɛɛrɔn le: “Baa nyiŋi fanɛ sarga nɛ b maaŋ chɔɔ a sa ma na la fo nɛ fo kaman to ebi peya nna mbaanaayɔ.

Nɔmbɛs 31:42

Israɛlebi nɛ b ka na be kachige nɛ benapo na kikɛ be kachige daa sasa nna. Amo nde: Mbɔlpo nɛ mboe daa la ŋgboŋ alfa asa nɛ adesa nɛ ashunu nɛ alfa anu, nɛ ana daa la ŋgboŋ adesa nɛ ashe, nɛ ekurma daa la ŋgboŋ adesa nɛ alfa anu nɛ besuŋgurbi nɛ b maŋ nyi benyɛn malɛ daa la ŋgboŋ kuduashe.

Nɔmbɛs 5:10

Kakɛ kama malɛ nɛ b ta n sa bɔrɛmatapo kikɛ na la mo gbagba peya nna.

Nɔmbɛs 5:9

Sarga cheembi kama nɛ Israɛlebi na bar Enyɛnpe Ebɔrɛ na la bɔrɛmatapoana na peya nna.

Matiu 10:10

Men sa maŋ ta ekɔlgu n lar ekpa na to ŋko nle anyɔnyɔ ŋko asɛbta nyɔsopoana ŋko akpabiana n ti men be amu so n yɔ. A daga eshumpo ka nya mbe keji mbe kushuŋ to.

Galeeshaebi 6:6

Ekama nɛ e bee nya abɔrɛsheŋ na be keŋini malɛ gba e baa kɔ mbe asɔ lela be ako a chɛ mbe eŋinipo na to.

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.