Nɔmbɛs 31:3 - EBƆRƐ BE KAWƆL

³ Ndoŋ nna nɛ Mosis kaŋɛ basa na le: “Men bela ase n ya kɔ Midianebi na kena ŋ gberge bumo kusoe ŋkpal kusɔ nɛ b wora Enyɛnpe Ebɔrɛ na so.

Nɔmbɛs 31:3 ပူးပေါင်းရင်းမြစ်များ

2 Bewura 10:30

Ade kikɛ be kaman nɛ Enyɛnpe Ebɔrɛ na kaŋɛ Jehu le: “Fo wora kusɔ kama nɛ mee sha fanɛ fo wora Ahab be kaman to ebi na. Amoso mee nase kɔnɔ a sa fo nna fanɛ baŋ yili fo kenana ko m ba fo fo kenana gbiramuli be jemanɛ so be basa e naaŋ baa ji Israɛl be efuli so be kuwura.”

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

Ɛksodɔs 17:16

E yɛ: “Ŋkpal ma tama ka daa yil Enyɛnpe Ebɔrɛ na so so nɛ n nase kumo le be ketre na. Enyɛnpe Ebɔrɛ na malɛ beeŋ yili kenana ko ŋ kɔ Amalɛkebi ere kena n ya fo kenana ko.”

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Nɔmbɛs 25:13

Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 31:4

Men lara benapo kagboŋ ashi Israɛl be eyiri na be kekama to nɛ b yɔ kena na to.”

Demujipoana 5:2

Anyeeŋ kpaŋ fo, Enyɛnpe Ebɔrɛ na! Ŋkpal manɛ so, Israɛlebi na kikɛ e yili kumo fanɛ baaŋ kɔ; basa na kikɛ malɛ e shuli so loŋ kagbenefuliso

Demujipoana 5:23

Nɛ Enyɛnpe Ebɔrɛ be malaika kaŋɛ: “Sho kade nɛ baa tre Mɛrɔz kɔnɔ! Ŋkpal manɛ so, kumo be basa kini kechɛto ŋ kɔ Enyɛnpe Ebɔrɛ na mo doŋ kpakpasoana kena.”