Nɔmbɛs 31:28 - EBƆRƐ BE KAWƆL

²⁸ Asɔ nɛ benapo na nya na, dimɛdi ŋko kusɔbɔya, be kekama be alfa anu to be kukoŋwule la Ebɔrɛ be kachige nna.

Nɔmbɛs 31:28 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

1 Kronikɛls 18:11

Ndoŋ nna nɛ ewura Deevid ta asɔ na n ti shuwa nɛ gbiti nɛ e kɔ Edɔm nɛ Mowab nɛ Ammɔn nɛ Filisti nɛ Amalɛk be efuliana n sɔ na so m bɔɔ Ebɔrɛ enɔ.

2 Kronikɛls 15:11

Kumo be kamɔnchɛ nɛ b daŋ ta asɔ nɛ b daŋ muu kena to ashi Gɛra na m ba lara sarga n sa Enyɛnpe Ebɔrɛ. Asɔ na e daa la ana alfa ashunu nɛ mbolpɔ nɛ mboe ŋgboŋ ashunu.

Aizaaya 18:7

Itiopia be basa ere la basa tenteŋ nɛ bumo be kayurwule du mɔlmɔlbi nna. Ekama bee ŋana bumo durnya ere to nna, ŋkpal b ka kɔ eleŋ ga nseŋ lubi so. Ama loŋ be jemanɛ kaŋ fo, baaŋ shi bumo be kasawule nɛ elɔr shibi kumo so na so n ta esarga m ba sa Enyɛnpetale Ebɔrɛ nɛ baa shuŋ mo ashi Zayɔn be kebee so na.

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Nɔmbɛs 18:21

Nɛ Enyɛnpe Ebɔrɛ naŋ kaŋɛ le: “N ta Israɛlebi na be kudukudusopo kikɛ nɛ baa bar ma nna a sa Livaiebi na. Amo e la Enyɛnpe be wajɛbu na to na be kushuŋ nɛ baa shuŋ be kakɔka.

Nɔmbɛs 18:26

e kaŋɛ Livaiebi na le: “Men baŋ sɔ Israɛlebi be kudukudusopo nɛ mee ta a sa menyi fanɛ men be kapetɛ na, menyi alɛ gba e lara amo be kudukudusopo n sa Enyɛnpe Ebɔrɛ,

Nɔmbɛs 31:29

Men ta amo n sa bɔrɛmatapo Eliaza fanɛ Enyɛnpe Ebɔrɛ be kachige.

Nɔmbɛs 31:30

Israɛlebi malɛ be asɔ nɛ b nya na, dimɛdi ŋko kusɔbɔya, be kekama be adunu kikɛ to be kukoŋwule la Livaiebi nɛ baa keni Enyɛnpe Ebɔrɛ be wajɛbu na so na be kachige nna.”

Nɔmbɛs 31:47

Bumo be kachige na to, Mosis daŋ lara edimɛdi nɛ asɔbɔya na to be adunu kikɛ to be kukoŋwule nna n sa Livaiebi nɛ baa keni Enyɛnpe Ebɔrɛ be wajɛbu na so na fanɛ kananɛ Enyɛnpe Ebɔrɛ kaŋɛ mo na gbagba chap.

Matiu 22:21

Nɛ basa na kaŋɛ: “Ewurgboŋ Siza peya.” Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Joshuwa 6:19

Gbiti nɛ shuwa nɛ ntishaŋ peper nɛ kusɔ kama nɛ b ta kebɛlso n wora kikɛ la Enyɛnpe Ebɔrɛ na peya nna. Men ta amo kikɛ n wɔtɔ Enyɛnpe Ebɔrɛ na be kpanjawu to.”

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.