Nɔmbɛs 31:2 - EBƆRƐ BE KAWƆL

² “Pɔɛŋ nɛ fo wu na, a daga fo ka gberge Midianebi na kusoe nɛnɛ ŋkpal kusɔ nɛ b wora Israɛlebi na so.”

Nɔmbɛs 31:2 ပူးပေါင်းရင်းမြစ်များ

Jɛnesis 15:15

Ama fo ere beeŋ ji kasawule ere so n ya bel n fuli kumu nseŋ wu kagbenewushi be luwu nɛ b puli fo.

Jɛnesis 25:17

Ishmaɛl daŋ ji nfɛ kalfa nɛ adesa nɛ ashunu nna pɔɛŋ nseŋ wu n yɔ mo nanaana kutɔ.

Jɛnesis 25:8

Nfɛ kalfa nɛ adushunu nɛ anu nɛ Eebraham daŋ ji kasawule ere so.

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 20:26

n ya lara Ɛɛrɔn be kabɔrɛmata be epiŋi na m buu mo pibinyɛn Eliaza, ŋkpal manɛ so, Ɛɛrɔn beeŋ wu ndoŋ.”

Nɔmbɛs 25:1

Saŋɛ nɛ Israɛlebi na daŋ wora bumo be keeyi to ashi kepla nɛ baa tre Akasia na, nɛ bumo be benyɛn ko fara a di Mowab be beche nɛ b wɔ ndoŋ na.

Nɔmbɛs 25:6

Mosis nɛ Israɛlebi na kikɛ ka shɛr Enyɛnpe Ebɔrɛ be wajɛbu na ase a shu na, nɛ Israɛlebi na be eko keta Midian be eche m bɔla bumo be anishito n yɔ mbe wajɛbu to.

Nɔmbɛs 27:13

Fo baŋ keni kasawule na n loge fo alɛ gba beeŋ wu fanɛ kananɛ fo da Ɛɛrɔn wu na.

Nɔmbɛs 31:1

Le nɛ Enyɛnpe Ebɔrɛ daŋ kaŋɛ Mosis:

Nɔmbɛs 31:3

Ndoŋ nna nɛ Mosis kaŋɛ basa na le: “Men bela ase n ya kɔ Midianebi na kena ŋ gberge bumo kusoe ŋkpal kusɔ nɛ b wora Enyɛnpe Ebɔrɛ na so.

Luuk 21:22

ŋkpal manɛ so, naniere baaŋ gberge Israɛlebi kusoe n tal to n shin nɛ abɔrɛsibɛ na kikɛ e bɔla ekpa.

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Romebi 13:4

Ŋkpal manɛ so, e la Ebɔrɛ be kenya nna ŋkpal fo kelela so. Ama nɛ fo baa wora alubi bre, baa lɔ kufu, ŋkpal manɛ so, enimu na maa keta mbe tokobi na jiga nna. E la Ebɔrɛ be kenya nna nɛ e baa keni asheŋ nɛ amo be ekpa so a sa basa a gberge alubiworapoana kusoe.

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

Ditɛronɔmi 4:22

Ma ere beeŋ wu kasawule ere so nfe nsaa maaŋ nya n dii lɔr na kikɛ, ama menyi ere beeŋ dii kumo n ya sɔ kasawule lela na n chena so.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

Demujipoana 16:24

Basa na ka baŋ wu mo nɛ b fara a kpaŋ bumo be kegbir a kaŋɛ le: “Anyi be kegbir pɔɔ an doŋana so n sa anyi; an doŋana nɛ b jija anyi be efuli nɛ anyi be asɔ nseŋ mɔ anyi be basa damta na.”

Demujipoana 2:10

Joshuwa be jemanɛ to be basa na kikɛ ka wu be kaman, bumo nɛ b ka na daa maŋ naa nyi Enyɛnpe Ebɔrɛ na ŋko asɔ nɛ e wora n sa Israɛl na.