Nɔmbɛs 30:15 - EBƆRƐ BE KAWƆL

¹⁵ Ama nɛ fanɛ mo kul na jo nchɛnnyɔ pɔɛŋ nseŋ kaŋɛ fanɛ e maŋ shuli eche na be kɔnɔ naseso na bre kumo ere mo kul na e naŋ nya kumo be kasogberge.

Nɔmbɛs 30:15 ပူးပေါင်းရင်းမြစ်များ

Levitikɔs 5:1

Nɛ Enyɛnpe Ebɔrɛ na naŋ kaŋɛ: “Nɛ fanɛ esa wu kusɔ ko ŋko n nu kesheŋ ko nɛ a daga e ka ji kumo be shɛda ashi demujikpa nɛ e kini, e wora kulubi nna na nseŋ daga kasogberge.

Nɔmbɛs 30:12

Nɛ mo kul nu kumo nseŋ ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ daga e ka wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo kul ka ju mo na so.

Nɔmbɛs 30:14

Ama nɛ mo kul nu kɔnɔ naseso na be asheŋ nsaa maŋ kaŋɛ shɛŋ hale nɛ epeŋi ya tɔr, kumo ere a daga e ka wora m bɔlɔ kusɔ kama nɛ e kaŋɛ na so ŋkpal manɛ so mo kul be kelato na bee ŋini fanɛ e shuli kumo nna na.

Nɔmbɛs 30:16

Mbra nɛ Enyɛnpe Ebɔrɛ daŋ ta n sa Mosis a yɔ egbawuche nɛ b wɔ bumo tutoana be elaŋ to nɛ bechekilpoana nna na.

Nɔmbɛs 30:5

Nɛ mo tuto ju mo fanɛ e sa maŋ wora m bɔlɔ mbe kɔnɔ naseso na so bre, kumo ere k maŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo tuto ka maŋ shuli fanɛ e wora m bɔlɔ kumo so so.

Nɔmbɛs 30:8

Nɛ mo kul ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ naŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.