Nɔmbɛs 30:13 - EBƆRƐ BE KAWƆL

¹³ Mo kul kɔ ekpa nɛ e shuli ŋko ŋ kini kɔnɔ naseso kama nɛ e nase ŋko kusɔ kama nɛ e kaŋɛ fanɛ e beeŋ wora.

Nɔmbɛs 30:13 ပူးပေါင်းရင်းမြစ်များ

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Nshɛ 35:13

Ama b ka bee lɔ, kagbenejijaso be asɔbuuso nɛ m buu; m mɔn ma kumu ajibi; m bar ma kumu ase ŋ kule Ebɔrɛ

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 23:32

Yili kufɔl na be kachɛ kpanusopo na be kaaseso n ya fo kachɛ kudusopo na be kaaseso la ewushi gbagba be jemanɛ nna n sa menyi, nɛ a daga men ka wushi nsaa maŋ kaŋ ji shɛŋ loŋ be kachɛ na.

Nɔmbɛs 29:7

Men sa maŋ kaŋ shuŋ kushuŋ kikɛ ŋko n ji ajibi kufɔl shunusopo na be kachɛ kudusopo na. Men ba abar so m ba bunyaŋ Enyɛnpe Ebɔrɛ kumo be kamɔnchɛ.

Nɔmbɛs 30:12

Nɛ mo kul nu kumo nseŋ ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ daga e ka wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo kul ka ju mo na so.

Nɔmbɛs 30:14

Ama nɛ mo kul nu kɔnɔ naseso na be asheŋ nsaa maŋ kaŋɛ shɛŋ hale nɛ epeŋi ya tɔr, kumo ere a daga e ka wora m bɔlɔ kusɔ kama nɛ e kaŋɛ na so ŋkpal manɛ so mo kul be kelato na bee ŋini fanɛ e shuli kumo nna na.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 11:9

Ebɔrɛ malɛ maŋ pɔr enyɛn nna n sa eche, e pɔr eche nna n sa enyɛn.

1 Kɔrintebi 7:5

Amoso, men sa maŋ kaa mɔn abar keche nɛ kenyɛn be kedi ashi men be kebaawɔtɔ to ama men baŋ yili kumo nna fanɛ men maaŋ ba abar so yili saŋko n ya fo saŋko ŋkpal men ka bee sha keta men be nfɛra n wɔtɔ kabɔrɛkule to so. Ama kumo be loŋ be kaman men naŋ ba abar so nɛ Setani e sa maŋ kaŋ nya ekpa n fule menyi nɛ men tɔr mbe kechɔŋkeni to ŋkpal men ka maaŋ tiŋ n nyiti so.