Nɔmbɛs 30:12 - EBƆRƐ BE KAWƆL

¹² Nɛ mo kul nu kumo nseŋ ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ daga e ka wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo kul ka ju mo na so.

Nɔmbɛs 30:12 ပူးပေါင်းရင်းမြစ်များ

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Jɛremaya 44:19

Kede be kaman nɛ beche na naŋ kaŋɛ le: “Anyi ka daa wɔ Juda be efuli so na an daa bunyaŋ ebɔrɛso be Ewurche na nna nsaa ta yabra nɛ ebodobodo nɛ an lɔŋɛ fanɛ mbe kaduli a lara esarga a sa mo. An kulana malɛ daa nyi kusɔ nɛ an daa wora na nseŋ daa yil anyi be kaman ashi amo kikɛ to nna.”

Nɔmbɛs 15:25

Nɛ bɔrɛmatapo na e kule alubi be ketampaŋ n sa kade na to ebi kikɛ nɛ n ta m paŋ bumo ŋkpal b ka maŋ kute n wora kulubi na nseŋ lara alubi be sarga n sa ma Enyɛnpe Ebɔrɛ na so.

Nɔmbɛs 15:28

Nɛ bɔrɛmatapo na e kule alubi be ketampaŋ n sa esa nɛ e maŋ kute n wora kulubi na nɛ n ta m paŋ mo.

Nɔmbɛs 30:11

kumo ere a daga e ka wora m bɔlɔ mbe kɔnɔ naseso na ŋko kusɔ nɛ e kaŋɛ na so, ama mo kul baŋ nu kumo nna nseŋ kaŋɛ fanɛ e maŋ shuli kumo.

Nɔmbɛs 30:13

Mo kul kɔ ekpa nɛ e shuli ŋko ŋ kini kɔnɔ naseso kama nɛ e nase ŋko kusɔ kama nɛ e kaŋɛ fanɛ e beeŋ wora.

Nɔmbɛs 30:5

Nɛ mo tuto ju mo fanɛ e sa maŋ wora m bɔlɔ mbe kɔnɔ naseso na so bre, kumo ere k maŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo ŋkpal mo tuto ka maŋ shuli fanɛ e wora m bɔlɔ kumo so so.

Nɔmbɛs 30:8

Nɛ mo kul ju mo fanɛ e sa maŋ wora m bɔlɔ kɔnɔ naseso na so bre, kumo ere k maŋ naŋ daga fanɛ e wora m bɔlɔ kumo so. Enyɛnpe Ebɔrɛ malɛ beeŋ ta m paŋ mo.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Samuɛl 1:23

Nɛ Ɛlkana kaŋɛ le: “K nyalɛ, wora kusɔ nɛ fee fɛ fanɛ k walɛ n sa fo, ama baa wɔ laŋ to n ya fo saŋkama nɛ feeŋ ku kebia na kenyipo. Enyɛnpe Ebɔrɛ e shin nɛ fo kɔnɔ nɛ fo nase na e bɔlɔ so.” Ndoŋ nna nɛ Haana chena laŋ to a nyipo kebia na n ya fo saŋɛ nɛ e ku mo kenyipo.