Nɔmbɛs 3:32 - EBƆRƐ BE KAWƆL

³² Bɔrɛmatapo nimuso Ɛɛrɔn pibinyɛn Eliaza e daa la Livaiebi na be enimu. Mo nɛ b daŋ lara fanɛ e baa la basa nɛ baa shuŋ Enyɛnpe be wajɛbu na to na be ejuŋkparpo.

Nɔmbɛs 3:32 ပူးပေါင်းရင်းမြစ်များ

2 Bewura 25:18

Ade be kaman nɛ benapo be enimu Nebuzaradan naŋ pɛ bɔrɛmatapo nimuso Seraiya nɛ Zefanaiya nɛ e bɛ mo so na, nɛ bɔrɛlambu na to be benimu asa ko gba n ti so.

Ɛzra 7:5

Bukki mo tuto e daa la Abishuwa nɛ mo alɛ mo tuto daa la Finihas. Finihas mo tuto e daa la Eliaza nɛ e daa la bɔrɛmatapo nimuso Ɛɛrɔn pibinyɛn.

Ezikɛl 40:45

Nɛ kanyɛn na kaŋɛ ma fanɛ ebu nɛ kumo be anishito bee shoŋi kelargato be kaseto be kaba so na la bɔrɛmatapoana nɛ baa shuŋ bɔrɛlambu na to na peya nna,

Nɔmbɛs 3:31

Bumo e naa keni ŋkre be deka nɛ k wɔ acheembiana to be kakpa cheembi na so, nɛ teebɔl na nɛ kefitilatɔl na nɛ ebɔrɛsureana na nɛ ntishaŋ nɛ bɔrɛmatapoana na bee ta a wora asheŋ ashi Enyɛnpe be wajɛbu na to nɛ patisa nɛ k wɔ acheembiana to be kakpa cheembi na be kabuna to na kikɛ so. Bumo e naa bela le be asɔ ere a yili mboŋ nseŋ naa bela amo ashi to.

Nɔmbɛs 3:33

Maali nɛ Muushi la nnaŋ nɛ ashi Mɛrari be kabuna ebi nna.

Nɔmbɛs 4:16

Bɔrɛmatapo nimuso Ɛɛrɔn pibinyɛn, Eliaza e daga fanɛ e baa keni ŋku nɛ baa ta a wɔtɔ efitila na to nɛ eduwu nɛ esargajibi nɛ ŋku nɛfaso nɛ kusɔ kama nɛ k wɔ wajɛbu na to nsaa la Enyɛnpe Ebɔrɛ na peya na so.

Nɔmbɛs 4:27

Ɛɛrɔn nɛ mbe mbia e naa baa keni bumo so nɛ b baa shuŋ kikɛ nsaa ŋini bumo kakpa nɛ baaŋ ba sulɔ asɔ na a yɔ.

Nɔmbɛs 8:26

Kumo be kaman e beeŋ tiŋ a chɛ mo braana Livaiebi na to a shuŋ bumo be ashuŋ Enyɛnpe be wajɛbu na to, ama b sa maŋ naa chige ashuŋ a sa mo ere gbagba nɛ e baa shuŋ mbe kumu so. Kananɛ k daga fo ka bee barga ashuŋ to a sa Livaiebi na nna na.”