Nɔmbɛs 29:17 - EBƆRƐ BE KAWƆL

¹⁷ Kachɛ nyɔsopo na, men ta egbolu fɔlbi nɛ a maŋ kɔ ndulgi kuduanyɔ nɛ ekpakpa nɛ a maŋ kɔ ndulgi anyɔ nɛ nfɛ koko be ekpakpafɔlbi nɛ a maŋ kɔ ndulgi kuduana n lara sarga.

Nɔmbɛs 29:17 ပူးပေါင်းရင်းမြစ်များ

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 69:31

Kumo be loŋ beeŋ par Enyɛnpe Ebɔrɛ na a chɔ keta gbolu fɛlso ŋko gbolu danso n lara sarga n sa mo.

Ɛksodɔs 12:5

Laŋ kama to be kusɔbɔya e baa la kusɔbɔyanyɛnso nɛ k ji kafɛ koŋwule nsaa maa kɔ ndulgi kikɛ. Baaŋ tiŋ n lara kumo ashi mbolpɔ to ŋko mboe to.

Aizaaya 1:11

Ebɔrɛ yɛ: “Men tama fanɛ mee sha esarga nɛ menyee lara a sa ma ere kikɛ nna a? Mbolpɔ nɛ asɔbɔya pɔtɛ be eblaŋ be alela akpa nɛ menyee chɔɔ a lara esarga a sa ma na fi ma. Ma alɛ maŋ naa sha egbolu nɛ mbolpɔ nɛ mboe be ŋklaŋ gba.

Hoziya 6:6

Mannɛ menyi be asɔbɔya be esarga nɛ mee sha, ama menyi be karechɛ kama be kasha nɛ menyeeŋ baa kɔ a sa ma na nɛ mee sha. Kusɔ nɛ mee sha e la ma basa ka beeŋ baa nyi ma, mannɛ esarga chɔɔso be kebaa lara e sa ma.

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Nɔmbɛs 29:13

Kumo be kachɛ juŋkparso na men ta egbolu fɔlbi kuduasa nɛ a maŋ kɔ ndulgi nɛ ekpakpa anyɔ nɛ a maŋ kɔ ndulgi nɛ nfɛ koko be ekpakpafɔlbi kuduana nɛ a maŋ kɔ ndulgi n lara ajibi be sarga nɛ amo be efɛa wɔ ebel n sa Enyɛnpe Ebɔrɛ.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Hibruwebi 8:13

To, kananɛ e bee tre kɔnɔ naseso ere kusɔ popɔr ere bee ŋini fanɛ e ta sososo peya na nna ŋ ki kedra na. Kusɔ kama malɛ nɛ k chɛr bee dra to nna a maŋ naa chɛr ko nsaa choŋ kuraa.