Nɔmbɛs 29:12 - EBƆRƐ BE KAWƆL

¹² Men shɛr kufɔl shunusopo na be kachɛ kuduanusopo na n ji kachɛgboŋ m bɛ abar so nchɛnshunu m maŋkura Enyɛnpe Ebɔrɛ. Men sa maŋ shuŋ kushuŋ kikɛ loŋ be kachɛ na.

Nɔmbɛs 29:12 ပူးပေါင်းရင်းမြစ်များ

1 Bewura 12:32

Ewura Jeroboam malɛ gba daŋ naŋ yili kumo nna fanɛ b baa ji kabɔrɛshuŋ be kachɛgboŋ na kufɔl burwasopo be kachɛ kuduanusopo kikɛ fanɛ kananɛ baa ji Juda peya na. E daŋ lara esarga n sa shuwa be egbolu fɔlbi be agbir na nna ashi Bɛtɛl be bɔrɛsure na so nseŋ lara bɔrɛmatapoana n chena Bɛtɛl nɛ baa keni kagbirshuŋ be mboŋ nɛ e pɔr n yili na so.

Ɛzra 3:4

B daŋ ji Abuu to be kachɛgboŋ na nna fanɛ kananɛ mbra na bee ŋini na gbagba chap. Esarga nɛ a daga b lara karechɛ kama be kachipurso nɛ kaaseso kikɛ na nɛ b daŋ lara.

Nehemaya 8:14

B ba pin fanɛ mbra nɛ Ebɔrɛ bɔla bumo nananyɛn Mosis so n sa bumo na bee ŋini fanɛ jemanɛ kama nɛ baa ji Abuu to be Kachɛgboŋ na kufɔl shunusopo na to na, a daga fanɛ b baa yuu abuu nɛ a maa chɛr nsaa wɔ amo to hale nɛ kachɛgboŋ na e fo ekar.

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Ɛksodɔs 34:22

Men baŋ ba kaa teŋi men be ayu juŋkparsoana na, men wora Kasɔteŋi be daŋkare be Kejigboŋ na. Kafɛ na malɛ naŋ ya kaa fo ekar nɛ menyee chala men be adɔjibi na, men wora Abuu to be daŋkare be Kejigboŋ na malɛ.

Ezikɛl 45:25

Abuu to be kebaawɔ be Kejigboŋ na bee fara kufɔl shunusopo na be kachɛ kuduanusopo na nseŋ keta loŋ n ya fo nchɛnshunu. Kananɛ ewura na baaŋ lara asɔbɔya nɛ ayu nɛ ɔlifs be ŋku karechɛ kikɛ jemanɛ nɛ b daa ji Kebansonchoŋ be Kejigboŋ na, aloŋ nɛ e beeŋ naŋ lara amo kede gba to.”

Levitikɔs 23:7

Nchɛnshunu na to be kachɛ juŋkparso na, menyeeŋ shɛr m bunyaŋ Ebɔrɛ nsaa maŋ shuŋ menyi gbagba be ashuŋ.

Nɔmbɛs 29:1

“Kufɔl shunusopo to be kachɛ juŋkparso na, ekama e sa maŋ shuŋ kushuŋ kikɛ. Men shɛr n foŋ mbel m bunyaŋ Enyɛnpe Ebɔrɛ kumo be kamɔnchɛ.

Nɔmbɛs 29:13

Kumo be kachɛ juŋkparso na men ta egbolu fɔlbi kuduasa nɛ a maŋ kɔ ndulgi nɛ ekpakpa anyɔ nɛ a maŋ kɔ ndulgi nɛ nfɛ koko be ekpakpafɔlbi kuduana nɛ a maŋ kɔ ndulgi n lara ajibi be sarga nɛ amo be efɛa wɔ ebel n sa Enyɛnpe Ebɔrɛ.

Nɔmbɛs 29:35

Kachɛ burwasopo na nɛ men shɛr abar so m bunyaŋ Ebɔrɛ. Menyi alɛ e sa maŋ kaŋ shuŋ loŋ be kachɛ.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.