Nɔmbɛs 29:1 - EBƆRƐ BE KAWƆL

¹ “Kufɔl shunusopo to be kachɛ juŋkparso na, ekama e sa maŋ shuŋ kushuŋ kikɛ. Men shɛr n foŋ mbel m bunyaŋ Enyɛnpe Ebɔrɛ kumo be kamɔnchɛ.

Nɔmbɛs 29:1 ပူးပေါင်းရင်းမြစ်များ

1 Kronikɛls 15:28

B ka ta ŋkre be deka na a ba na, Israɛlebi na kikɛ daa boŋ nshɛ kagbenefuliso nna nsaa foŋ mbel a laŋ echakachaka nɛ ejaŋjilaŋ hale m ba luri Jerusalɛm to.

Ɛzra 3:6

Kufɔl shunusopo na be kachɛ juŋkparso na nɛ b fara sarga chɔɔso be kelara n sa Enyɛnpe Ebɔrɛ na, ama loŋ be jemanɛ na nɛ b maŋ naŋ tɔl Enyɛnpe Ebɔrɛ na be bɔrɛlambu na be gbaltɔlase gba.

Nehemaya 7:73

Ndoŋ nna nɛ bɔrɛmatapoana na nɛ Livaiebi na nɛ bɔrɛlambu to be bekumpo na nɛ beshɛbompoana na nɛ basa na be beko nɛ bɔrɛlambu to be beshumpo na nɛ Israɛlebi na kikɛ chena bumo be ndeana to ashi Juda be efuli so kikɛ.

Nehemaya 8:2

Ndoŋ nna nɛ Ɛzra ya ta mbra be kawɔl na m ba. Benyɛn nɛ beche nɛ mbia nɛ baa pin asheŋ to na kikɛ e daŋ shɛr ndoŋ.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Ɛksodɔs 34:22

Men baŋ ba kaa teŋi men be ayu juŋkparsoana na, men wora Kasɔteŋi be daŋkare be Kejigboŋ na. Kafɛ na malɛ naŋ ya kaa fo ekar nɛ menyee chala men be adɔjibi na, men wora Abuu to be daŋkare be Kejigboŋ na malɛ.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Levitikɔs 23:23

Ade be kaman nɛ Enyɛnpe Ebɔrɛ na naŋ kaŋɛ Mosis fanɛ

Levitikɔs 23:7

Nchɛnshunu na to be kachɛ juŋkparso na, menyeeŋ shɛr m bunyaŋ Ebɔrɛ nsaa maŋ shuŋ menyi gbagba be ashuŋ.

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Nɔmbɛs 28:26

A daga fanɛ men be ekama ka wushi ashi mbe ashuŋ to kasɔteŋi be kachɛgboŋ na be kachɛ juŋkparso, nseŋ ta mbe ayu popɔr be sarga m ba sa Enyɛnpe Ebɔrɛ na, nseŋ shɛr abar so m bunyaŋ mo.

Nɔmbɛs 29:12

Men shɛr kufɔl shunusopo na be kachɛ kuduanusopo na n ji kachɛgboŋ m bɛ abar so nchɛnshunu m maŋkura Enyɛnpe Ebɔrɛ. Men sa maŋ shuŋ kushuŋ kikɛ loŋ be kachɛ na.

Nɔmbɛs 29:2

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Nɔmbɛs 29:35

Kachɛ burwasopo na nɛ men shɛr abar so m bunyaŋ Ebɔrɛ. Menyi alɛ e sa maŋ kaŋ shuŋ loŋ be kachɛ.