Nɔmbɛs 28:6 - EBƆRƐ BE KAWƆL

⁶ Kebeegboŋ nɛ baa tre Sainai na so nɛ b daŋ lara sososo be karechɛ kama be sarga chɔɔso nɛ amo be efɛa bee wora Enyɛnpe Ebɔrɛ ebel ga ere.

Nɔmbɛs 28:6 ပူးပေါင်းရင်းမြစ်များ

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 31:3

Ewura na daa lara mo gbagba be mbolpɔ nɛ ana nna a sa nɛ baa lara sarga chɔɔso kachipurso nɛ kaaseso kikɛ, nɛ kewushiachɛ be sarga nɛ kufɔl popɔr be kejigboŋ nɛ kabɔrɛshuŋ kikɛ be kejigboŋ be esarga nɛ Enyɛnpe Ebɔrɛ be mbra ŋini fanɛ b baa lara na.

Ɛzra 3:4

B daŋ ji Abuu to be kachɛgboŋ na nna fanɛ kananɛ mbra na bee ŋini na gbagba chap. Esarga nɛ a daga b lara karechɛ kama be kachipurso nɛ kaaseso kikɛ na nɛ b daŋ lara.

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Ezikɛl 46:14

Menyi alɛ kraa beeŋ bar nyifu lela fanɛ kurwa anu nɛ ɔlifs be ŋku kɔlba nɛ barga kachipurso kikɛ m ba lara ajibi be sarga. Kebaa lara le be esarga ere a sa Enyɛnpe Ebɔrɛ na be mbraana ere baa wɔtɔ nna a yɔ, a maa chɛrga kikɛ.

Ezikɛl 46:15

A daga fanɛ men baa ta mbolpɔ fɔlbi nɛ nyifu lela nɛ ɔlifs be ŋku a lara esarga a sa Enyɛnpe Ebɔrɛ na kachipurso kikɛ nna hale mbaanaayɔ.”

Levitikɔs 27:34

Mbraana nɛ Enyɛnpe Ebɔrɛ na yili n sa Mosis ashi Sainai be kebee na so fanɛ e ta n sa Israɛlebi na nna na.

Levitikɔs 6:9

“Kaŋɛ Ɛɛrɔn nɛ mo mbinyɛnsobi fanɛ mbraana nɛ n yili a laŋɛ sarga chɔɔso be kaplɛa so nde: A daga fanɛ b baa chɔɔ esarga bɔrɛsure na so saŋkikɛ. A maŋ daga bɔrɛsure na so be edɛ ka duŋ kikɛ.

Eemɔs 5:25

Nfɛ adena kikɛ nɛ n juŋkpar menyi Israɛlebi ashi keshishɛrsawule na so dra dra na, n daŋ bishi menyi toto ŋko sarga ko a?

Nɔmbɛs 28:5

B ta ɔlif be ŋku kɔlba koŋwule m baga ayunyifu kurwa koŋwule n ti mbolpɔ na be kekama so.

Nɔmbɛs 28:7

B ta yabra belbelso kɔlba koŋwule n chulgi n wurge bɔrɛsure na so n ti ekpakpafɔlbi na be kekama so n lara sarga n sa Enyɛnpe Ebɔrɛ.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.