Nɔmbɛs 28:2 - EBƆRƐ BE KAWƆL

² fanɛ e kaŋɛ Israɛlebi na kenishipereso nɛ b baa ta bumo be ajibi be esarga nɛ amo be efɛa bee wora Enyɛnpe Ebɔrɛ ebel ga na m ba ka sa Ebɔrɛ saŋɛ nɛ k daga.

Nɔmbɛs 28:2 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

1 Kronikɛls 23:31

Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 31:3

Ewura na daa lara mo gbagba be mbolpɔ nɛ ana nna a sa nɛ baa lara sarga chɔɔso kachipurso nɛ kaaseso kikɛ, nɛ kewushiachɛ be sarga nɛ kufɔl popɔr be kejigboŋ nɛ kabɔrɛshuŋ kikɛ be kejigboŋ be esarga nɛ Enyɛnpe Ebɔrɛ be mbra ŋini fanɛ b baa lara na.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛzra 3:3

Kufu nɛ k daa wɔ bumo to ŋkpal basa nɛ b kulti bumo na kikɛ be kaman, b daŋ pɔr bɔrɛsure na n yili kumo be gbaltɔlase dra na so nna. Kapa nɛ kanyɛ kikɛ b daa lara esarga bɔrɛsure na so nna a sa Ebɔrɛ.

Nehemaya 10:34

Anyi alɛ naŋ yili kumo fanɛ kafɛ kikɛ bɔrɛmatapoana na nɛ Livaiebi nɛ basa na to be bebɔlpo na be nnaŋ to be basa beeŋ baa bar ndibi puga edɛ bɔrɛlambu na to nna, saŋɛ na so baaŋ tiŋ a lara esarga bɔrɛsure na so, fanɛ kananɛ Enyɛnpe Ebɔrɛ na yili kumo na.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Ɛksodɔs 23:15

Men baa wora bodobodo nɛ a maŋ kɔ yiisi na be kejigboŋ nchɛ ashunu kananɛ ŋ ŋini menyi na, Abib be kufɔl nɛ men daŋ lar kumo to ashi Ijipt be kasawule so na to. Loŋ be nchɛnshunu na to ekama e sa maŋ kaŋ ji bodobodo nɛ b ta yiisi n wora. Ekama malɛ e sa maŋ kaŋ ta enɔfuloŋ m ba ma anishito, ama e bar kusɔ ko m ba lara sarga n sa ma.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ezikɛl 16:19

Fo ta nyifu lela nɛ ɔlif be ŋku nɛ mushoŋ nɛ n sa fo fanɛ fo baa ji na n lara sarga n sa agbirana na a fin fanɛ fo asheŋ e par amo. Ma, Enyɛnpetale Ebɔrɛ na gbagba e wu k ka bee wora.

Ezikɛl 20:41

Jemanɛ nɛ meeŋ naŋ lara menyi efuliana nɛ men pesaŋ to n yɔ to m bɛta m ba gama abar so na, ma kagbene beeŋ naŋ fuli menyi so nɛ n sɔ menyi be esarga fanɛ duwu nɛ a bee dufɛ viim na. Ndoŋ nɛ efuliana na kikɛ beeŋ wu fanɛ n du cheembi nna.

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:17

Kumo be kaman nɛ e pɛ kabuibi na be aba to m baŋɛ kumo to nsaa maŋ chuge aba na to, nseŋ chɔɔ kumo kikɛ bɔrɛsure na so. Ŋkpal manɛ so, k la sarga chɔɔso nɛ kumo be efɛa bee par Enyɛnpe Ebɔrɛ na nna.”

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 21:6

A daga fanɛ e baa du cheembi nna nsaa maa ŋaba ma ketre. Ŋkpal e ka la esa nɛ e bee ta ayu be sargajibi m ba kaa sa ma, Enyɛnpe Ebɔrɛ na so, a daga fanɛ e baa du cheembi.

Levitikɔs 21:8

A daga basa na ka wu bɔrɛmatapo na fanɛ esa cheembi, ŋkpal e kaa bee ta ayu be sargajibi m ba kaa sa ma so. Ma e la Enyɛnpe Ebɔrɛ na. N du cheembi nna, ma alɛ bee sha fanɛ ma basa e baa du cheembi nna.

Levitikɔs 3:11

bɔrɛmatapoana na be eko nɛ e chɔɔ amo kikɛ bɔrɛsure na so n lara ajibi be sarga n sa Enyɛnpe Ebɔrɛ na.

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Malakai 1:7

Ŋkpal men ka ta ajibi nɛ a maŋ daga keta n lara sarga n deŋi ma bɔrɛsure so so. Kede be kaman nɛ men bishi: ‘Ekpa mo so nɛ an maŋ sa fo bunyaŋ?’ Men ka maŋ keni ma bɔrɛsure m bɔlɔ kenishi so.

Nɔmbɛs 15:24

ŋkpal b ka maŋ nyi so, kumo ere a daga fanɛ kade na to ebi ka fin gbolu n lara sarga chɔɔso nɛ kumo be efɛa bee wora Enyɛnpe Ebɔrɛ na ebel nseŋ ta ayu nɛ yabra belbelso nɛ kaboelote n ti amo so n lara alubi be ketampaŋ be sarga.

Nɔmbɛs 15:3

B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Nɔmbɛs 15:7

nseŋ ta yabra belbelso kɔlba nɛ bargato malɛ n lara asɔnuuso be sarga. Le be esarga ere be efɛa bee par Enyɛnpe Ebɔrɛ nna.

Nɔmbɛs 28:1

Nɛ Enyɛnpe Ebɔrɛ kaŋɛ Mosis

Nɔmbɛs 29:39

Men baa lara le be esarga ere kachɛgboŋ achɛ kikɛ n ti keparso ŋko kɔnɔ be ketia be esarga so.”

Nɔmbɛs 9:13

Ama nɛ fanɛ esa walɛ so daŋkare be ekpa so mo alɛ nsaa maa wɔ enite to nseŋ kini kebansonchoŋ be kejigboŋ na be keji, kumo ere m maŋ naa ber mo a ti ma basa so, ŋkpal e ka kini kelara sarga n sa ma saŋɛ nɛ k daga so. Mo alɛ beeŋ nya mbe kulubi be kasogberge

Nɔmbɛs 9:7

n ya kaŋɛ bumo le: “An wora eyurpi ŋkpal an ka beta ebuni so nna, ama manɛ nna nɛ anyi maaŋ tiŋ n ji kebansonchoŋ be kejigboŋ na nseŋ lara anyi be esarga m ba sa Enyɛnpe Ebɔrɛ loŋ be kachɛ na fanɛ kananɛ an braana Israɛlebi na wora na?”

2 Kɔrintebi 2:15

Ŋkpal manɛ so, an du fanɛ Kristo be efɛa belbelso nna a sa Ebɔrɛ a wɔ basa nɛ baa nya kumɔlga nɛ bumo nɛ baa mur bumo be alubi to to.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.