Nɔmbɛs 28:19 - EBƆRƐ BE KAWƆL

¹⁹ B ta egbolu fɔlbi anyɔ nɛ a maŋ kɔ ndulgi nɛ kpakpa koŋwule nɛ k maŋ kɔ ndulgi nɛ nfɛ koko be ekpakpa ashunu nɛ b maŋ kɔ ndulgi m ba lara sarga chɔɔso n sa Enyɛnpe Ebɔrɛ.

Nɔmbɛs 28:19 ပူးပေါင်းရင်းမြစ်များ

2 Kronikɛls 35:12

Ndoŋ nna nɛ b barga eblaŋ nɛ baaŋ ta n lara sarga chɔɔso na to n sa basa na kanaŋ kanaŋ nɛ ntuŋ ntuŋ so fanɛ kananɛ Mosis ŋini mbe mbra na to na gbagba chap. Loŋ koŋwule na nɛ b daŋ ta egbolu na gba n wora.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 22:20

Nɛ men bar kusɔbɔya nɛ e kɔ ndulgi, Enyɛnpe Ebɔrɛ na maaŋ sɔ kumo.

Nɔmbɛs 28:20

B ta nyifu kurwa asa nɛ b ta ɔlif be ŋku m baga n ti gbolu kama so, n ta nyifu kurwa anyɔ n ti kpakpa kama malɛ so,

Nɔmbɛs 28:31

Men ta asɔbɔya na nɛ yabra n ti asɔ nɛ b kɔ a lara karechɛ kama be sarga chɔɔso nɛ ayu be sarga na so n lara sarga. Men baa da so nɛ asɔbɔya na be kekama maaŋ ba kɔ ndulgi.

Nɔmbɛs 29:8

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Ditɛronɔmi 15:21

Ama nɛ fanɛ kusɔbɔya na buri to ŋko n tan nna ŋko doro ko wɔ kumo so nna, kumo ere men sa maŋ kaŋ ta kumo n lara sarga n sa Enyɛnpe menyi be Ebɔrɛ na.

Ditɛronɔmi 16:2

Kusɔbɔya nɛ menyeeŋ ta n lara sarga n sa Enyɛnpe menyi be Ebɔrɛ na Kebansonchoŋ be kachɛgboŋachɛ na daga fanɛ k baa la kena ŋko kubolpɔ ŋko kaboe. Menyi alɛ beeŋ ya mɔ kumo ashi kakpa nɛ Enyɛnpe Ebɔrɛ na lara n yili fanɛ men baa shuŋ mo ndoŋ na nna.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.