Nɔmbɛs 28:14 - EBƆRƐ BE KAWƆL

¹⁴ B ta yabra kɔlba anyɔ n ti gbolu kama so, n ta yabra kɔlba koŋwule nɛ bargato n ti kpakpa kama so nseŋ ta yabra kɔlba koŋwule malɛ n ti nfɛ koko be ekpakpa na be kekama so n lara yabra be sarga. Kafɛ kikɛ be kufɔl kikɛ be kachɛ juŋkparso be sarga be mbra nna na.

Nɔmbɛs 28:14 ပူးပေါင်းရင်းမြစ်များ

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Jɛremaya 48:35

Meeŋ shin nɛ Mowab be basa e yige kebaalara esarga nsaa chɔɔ eduwu ashi bumo be agbirase a sa bumo be agbirana. Ma, Enyɛnpe Ebɔrɛ e kaŋɛ na.

Ezikɛl 46:4

Ewura na beeŋ bar mbolpɔ fɔlbi ashe nɛ kpakpa nɛ e maŋ kɔ doro kikɛ m ba lara sarga chɔɔso kewushiachɛ na.

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Nɔmbɛs 15:9

kumo ere b ta ɔlif be ŋku kɔlba koŋwule m baga nyifu kurwa asa n lara ayu be sargajibi na,

Nɔmbɛs 28:13

nɛ nyifu kurwa koŋwule n ti nfɛ koko be ekpakpa na be kekama malɛ so n lara esarga nɛ amo be efɛa bee wora Enyɛnpe Ebɔrɛ na ebel.

Nɔmbɛs 28:15

B ta kaboelote n ti karechɛ kama be sarga chɔɔso na nɛ yabra be sarga na so n lara alubi be sarga.

Nɔmbɛs 28:7

B ta yabra belbelso kɔlba koŋwule n chulgi n wurge bɔrɛsure na so n ti ekpakpafɔlbi na be kekama so n lara sarga n sa Enyɛnpe Ebɔrɛ.

Nɔmbɛs 29:18

Men ta nyifu nɛ yabra kananɛ k daga fanɛ b ta n ti kusɔbɔya kama so, nɛ kaboelote n ti asɔbɔya na so n lara sarga.