Nɔmbɛs 28:11 - EBƆRƐ BE KAWƆL

¹¹ Kufɔl kikɛ be kachɛ juŋkparso men lara egbolu fɔlbi anyɔ nɛ b maŋ kɔ ndulgi, nɛ kpakpa koŋwule nɛ k maŋ kɔ ndulgi, nɛ nfɛ koko be ekpakpa ashunu nɛ a maŋ kɔ ndulgi m ba sa Enyɛnpe Ebɔrɛ.

Nɔmbɛs 28:11 ပူးပေါင်းရင်းမြစ်များ

2 Bewura 4:23

Nɛ mo kul bishi mo: “Manɛ nna nɛ fee sha keyɔ kabre? Kabre maŋ la kewushiachɛ ŋko kufɔl popɔr be kejigboŋ be kachɛgboŋachɛ.” Nɛ kache na shuli so ŋ kaŋɛ: “Kashenteŋ nna.”

1 Kronikɛls 23:31

Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 8:13

E daŋ bɛ kananɛ Mosis ŋini fanɛ b baa lara esarga kewushiachɛ na, nɛ kufɔl popɔr kikɛ be kachɛ sososo nɛ bodobodo nɛ a maŋ kɔ yiisi be kachɛgboŋ nɛ kasɔteŋi be kachɛgboŋ nɛ abuu to be kebaawɔ be kachɛgboŋ so nna.

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Nehemaya 10:33

Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Nshɛ 81:4

Mbra nɛ k dese Israɛl be efuli so nna na; an nananyɛn Jeekɔb be Ebɔrɛ na e yili kumo.

Aizaaya 66:23

Kufɔl popɔr be kejigboŋ kikɛ be jemanɛ nɛ kewushiachɛ kikɛ nɛ men gama a shuŋ ma, efuli pɔtɛana so be basa gba beeŋ ba shuŋ ma ashi Jerusalɛm to.

Ezikɛl 46:1

Ndoŋ nna nɛ Enyɛnpetale Ebɔrɛ na kaŋɛ le: “A daga fanɛ bɔrɛlambu na be epunto be kelɔnɛ na be kabuna nɛ k wɔ epeŋilarkpa be kaba so na ka ti so nna a yil nchɛnshe nɛ menyee shuŋ na kikɛ, ama men bugi kumo n yili Kewushiachɛ na nɛ Kufɔl popɔr be kachɛ juŋkparso na bre.

Ezikɛl 46:6

Kufɔl popɔr be kachɛgboŋachɛ na bre, ewura na beeŋ lara gbolu fɔlbi nɛ mbolpɔ fɔlbi ashe nɛ kpakpa nɛ e maŋ kɔ doro kikɛ nna.

Ezikɛl 46:7

Ewura na beeŋ ta ayu cheenshigboŋ be bargato n ti gbolu nɛ kpakpa kama nɛ e lara na so nseŋ ta kusɔ kama nɛ e bee sha n ti mbolpɔ fɔlbi na be kekama malɛ so m ba. A daga fanɛ e ta ɔlifs be ŋku galɔn koŋwule n ti ayu cheenshigboŋ be bargato kama nɛ e beeŋ bar na so nna m ba.

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Eemɔs 3:5

Fo daŋ wu kejigbelɛ ka pɛ kabuibi nɛ manɛ kusɔ ko a yɛr kabuibi na kumo ase a? Fo daŋ wu kejigbelɛ ka to nɛ mannɛ kusɔ ko a tɔr kumo to a?

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Nɔmbɛs 10:10

Nɛ men baa ji menyi be kufɔl popɔr be kejigboŋ nɛ kabɔrɛshuŋ be kejigboŋana ko, k daga men baa foŋ mbel na saŋɛ nɛ menyee lara sarga chɔɔso nɛ kɔnɔkoŋwuleso be esarga na nɛ ma nɛ n la men Nyɛnpe nɛ men be Ebɔrɛ na e chɛ menyi to.”

Nɔmbɛs 28:19

B ta egbolu fɔlbi anyɔ nɛ a maŋ kɔ ndulgi nɛ kpakpa koŋwule nɛ k maŋ kɔ ndulgi nɛ nfɛ koko be ekpakpa ashunu nɛ b maŋ kɔ ndulgi m ba lara sarga chɔɔso n sa Enyɛnpe Ebɔrɛ.

Galeeshaebi 4:10

Men keni kananɛ men naa wɔtɔ a bɛ nchɛgboŋana ko so nɛ afɔlana ko nɛ saŋɛana ko nɛ nfɛgboŋana ko so.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Kɔlɔsiebi 2:6

Amoso, men ka sɔ Yesu Kristo fanɛ men Nyɛnpe ere, men keta men be amu fanɛ basa nɛ bumo nɛ mo ki kukoŋwule a kɔ mo to kpakpa

1 Samuɛl 20:5

Nɛ Deevid kaŋɛ le: “Echefo e la kufɔl popɔr be kachɛ sososo be kejigboŋ na, nɛ k daga fanɛ ŋ ka ya tu fo tuto n ji, ama m maaŋ wora loŋ. Meeŋ yɔ kupuŋ to n ya fin kakpa ko ŋ ŋana n ya fo eklade be kaaseso.

1 Samuɛl 9:12

Nɛ b yɛ: “Mm, e wɔ kade to kabre ŋkpal manɛ so, baa sha kelara sarga ashi kebee nɛ k mata nfe ere so kabre nna. Mo e wɔ menyi be anishito a yɔ na, amoso men wora manaŋ.