Nɔmbɛs 28:1 - EBƆRƐ BE KAWƆL

¹ Nɛ Enyɛnpe Ebɔrɛ kaŋɛ Mosis

Nɔmbɛs 28:1 ပူးပေါင်းရင်းမြစ်များ

1 Kronikɛls 23:31

Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.

2 Kronikɛls 2:4

Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 31:3

Ewura na daa lara mo gbagba be mbolpɔ nɛ ana nna a sa nɛ baa lara sarga chɔɔso kachipurso nɛ kaaseso kikɛ, nɛ kewushiachɛ be sarga nɛ kufɔl popɔr be kejigboŋ nɛ kabɔrɛshuŋ kikɛ be kejigboŋ be esarga nɛ Enyɛnpe Ebɔrɛ be mbra ŋini fanɛ b baa lara na.

2 Kronikɛls 8:13

E daŋ bɛ kananɛ Mosis ŋini fanɛ b baa lara esarga kewushiachɛ na, nɛ kufɔl popɔr kikɛ be kachɛ sososo nɛ bodobodo nɛ a maŋ kɔ yiisi be kachɛgboŋ nɛ kasɔteŋi be kachɛgboŋ nɛ abuu to be kebaawɔ be kachɛgboŋ so nna.

Ɛzra 6:9

Karechɛ kikɛ, men baa sa bɔrɛmatapoana nɛ b wɔ Jerusalɛm to na asɔ fanɛ egbolu nɛ ekpakpa nɛ ekpakpafɔlbi nɛ ayu nɛ nfɔl nɛ yabra belbelso nɛ ɔlif be ŋku nɛ b kaŋɛ fanɛ baa sha nɛ b ta n lara sarga n sa Ebɔrɛ nɛ e wɔ ebɔrɛso na kikɛ.

Nehemaya 10:33

Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Ezikɛl 44:24

Nɛ kesheŋ ko koso nɛ a daga fanɛ b ji kumo mbra be ekpa so, bɔrɛmatapoana na beeŋ keni ma mbraana so nna n ji kumo. Kananɛ ma mbraana nɛ atande bee ŋini na nɛ baaŋ baa yili so a ji bumo be kabɔrɛshuŋ be nchɛgboŋana, nseŋ shin nɛ Kewushiachɛ na e baa la kachɛ cheembi n sa bumo.

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Ezikɛl 46:11

Kejigboŋachɛ nɛ nchɛgboŋachɛ kikɛ, ayu cheenshigboŋ be bargato nɛ esa bee ta a ti gbolu ŋko kpakpa kikɛ so a lara sarga, nsaa ta kusɔ kama nɛ e bee sha a ti mbolpɔ fɔlbi na be kekama malɛ so a lara sarga. Amo be kaman nɛ e ta ɔlifs be ŋku galɔn koŋwule n ti ayu cheenshigboŋ be bargato na so m ba.

Levitikɔs 9:15

Ɛɛrɔn ka wora loŋ n loge nɛ e bar basa na malɛ be esarga be asɔbɔya m ba mɔ kulubi be sarga be kaboe na n lara kulubi be sarga, fanɛ kananɛ e daŋ wora mo gba peya na.

Nɔmbɛs 27:23

Mosis daŋ ta mbe enɔana nna n deŋi Joshuwa so n ta mo n ŋini Israɛl ebi fanɛ mo e ki bumo be ejuŋkparpo, fanɛ kananɛ Enyɛnpe Ebɔrɛ kaŋɛ na.

Nɔmbɛs 28:2

fanɛ e kaŋɛ Israɛlebi na kenishipereso nɛ b baa ta bumo be ajibi be esarga nɛ amo be efɛa bee wora Enyɛnpe Ebɔrɛ ebel ga na m ba ka sa Ebɔrɛ saŋɛ nɛ k daga.

Galeeshaebi 4:10

Men keni kananɛ men naa wɔtɔ a bɛ nchɛgboŋana ko so nɛ afɔlana ko nɛ saŋɛana ko nɛ nfɛgboŋana ko so.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.