Nɔmbɛs 27:21 - EBƆRƐ BE KAWƆL

²¹ Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Nɔmbɛs 27:21 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Nehemaya 7:65

Gomena na daŋ kaŋɛ bumo ere nna fanɛ b maaŋ tiŋ n ji ajibi nɛ b ta n lara sarga n sa Ebɔrɛ na ama bɔrɛmatapo ko baaŋ ta asɔ nɛ baa tre Urim nɛ Thummim na n to beri ŋ ŋini fanɛ b la bɔrɛmatapoana kashenteŋto nna pɔɛŋ nɛ b tiŋ n ji esargajibi na.

Ɛksodɔs 28:30

Saŋkama nɛ Ɛɛrɔn bee yɔ Enyɛnpe Ebɔrɛ na be anishito, a daga fanɛ e di demuji be kɔlgu nɛ Urim nɛ Tumim wɔ kumo to na nɛ a baa chɛ mo to nɛ e baa pin Enyɛnpe Ebɔrɛ na be nfɛra.

Levitikɔs 8:8

Kumo be kaman nɛ e ta demuji be kɔlgu na n di mo nseŋ ta ajembubi nɛ baa ta a to beri a pin Ebɔrɛ be nfɛra nɛ baa tre amo urim nɛ tumim na n wɔtɔ kɔlgu na to.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

Nɔmbɛs 27:2

Kachako nɛ mbe mbichesobi na ya yili Mosis nɛ bɔrɛmatapo Eliaza nɛ bejuŋkparpoana na nɛ kade na to ebi kikɛ be anishito ashi Enyɛnpe Ebɔrɛ be wajɛbu na be kabuna to ŋ kaŋɛ le:

Nɔmbɛs 27:20

Ta fo kenimu be eleŋ n sa mo, saŋɛ na so Israɛl be basa kikɛ beeŋ baa nu n sa mo.

Nɔmbɛs 27:22

Nɛ Mosis wora kusɔ nɛ Enyɛnpe Ebɔrɛ bee sha e ka wora na kikɛ nseŋ keta Joshuwa n ya yili bɔrɛmatapo Eliaza nɛ jimaŋ na kikɛ be anishito.

Nɔmbɛs 27:5

Ndoŋ nna nɛ Mosis ta bumo be asheŋ na n yɔ Enyɛnpe Ebɔrɛ kutɔ,

Ditɛronɔmi 31:3

Enyɛnpe menyi be Ebɔrɛ na gbagba nɛ Joshuwa e naaŋ juŋkpar menyi n ya kɔ efuliana nɛ a wɔ ndoŋ na; saŋɛ na so, menyeeŋ tiŋ n ya chena kasawule na so fanɛ kananɛ Enyɛnpe Ebɔrɛ na kaŋɛ na.

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.

Joshuwa 9:14

Ndoŋ nna nɛ Israɛlebi na sɔ bumo be ajibi na be ako n ji ŋ keni, ama b daŋ maŋ bishi Enyɛnpe Ebɔrɛ kusɔ nɛ k daga fanɛ b wora pɔɛŋ.

Demujipoana 1:1

Joshuwa ka wu be kaman, nɛ Israɛlebi na kule Ebɔrɛ m bishi mo le: “Anyi be mbuna ere be kumo e naaŋ juŋkpar n ya kɔ Keenanebi na?”

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”

1 Samuɛl 14:19

Saŋɛ nɛ Sɔɔl bee malga bɔrɛmatapo na kutɔ na nɛ kebagato nɛ k wɔ Filistiebi na be keeyi to na bee wora keshi a ti so. Ndoŋ nna nɛ Sɔɔl kaŋɛ le: “Yige, ŋkpal manɛ so saŋɛ maŋ naa wɔtɔ nɛ fo bishi Enyɛnpe Ebɔrɛ kusɔ nɛ anyeeŋ wora.”

1 Samuɛl 23:9

Deevid ka nu fanɛ Sɔɔl bee kre nɛ e ba kɔ mo na, nɛ e kaŋɛ bɔrɛmatapo Abiata le: “Ta kabɔrɛmata be piŋi lela nɛ baa tre Ɛfɔd na m ba, saŋɛ na so anyeeŋ bishi Ebɔrɛ kusɔ nɛ k daga an ka wora.”

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.

1 Samuɛl 30:7

Nɛ Deevid kaŋɛ Ahimɛlɛk pibinyɛn bɔrɛmatapo Abiata le: “Ta bɔrɛmatapo be kale nɛ baa tre Ɛfɔd na m bar ma.” Nɛ Abiata ta kumo n ya sa mo.