Nɔmbɛs 27:14 - EBƆRƐ BE KAWƆL

¹⁴ Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Nɔmbɛs 27:14 ပူးပေါင်းရင်းမြစ်များ

Ɛksodɔs 17:7

Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.

Nɔmbɛs 20:1

Kafɛ to be kufɔl juŋkparso to nɛ Israɛlebi na fo keshishɛrsawule nɛ baa tre Zin na nseŋ wora bumo be keeyi to ashi Kadɛsh. Ndoŋ nɛ Miriam wu nɛ b ta mo m puli.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 20:5

Manɛ nna nɛ fo lara anyi Ijipt be kasawule so m ba lɛ kakpa lubi nɛ ajibi kikɛ maa wora ere? Aboyu nɛ figi be ndibi nɛ afeelebi nɛ a bee sɔr asɔrso nɛ baa tre greep na nɛ ndibi nɛ baa tre Pomegranates na kikɛ maŋ wɔ nfe. Nchu gba jalama anyi maŋ nya nɛ an nuu!”

Nɔmbɛs 27:15

Nɛ Mosis kule Ebɔrɛ ŋ kaŋɛ le:

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 1:37

Ŋkpal menyi so, Enyɛnpe Ebɔrɛ na daŋ nya agbo nna n wɔtɔ ma alɛ gba nseŋ kaŋɛ le: ‘Mosis, fo alɛ gba maaŋ yɔ kasawule na so.

Ditɛronɔmi 4:22

Ma ere beeŋ wu kasawule ere so nfe nsaa maaŋ nya n dii lɔr na kikɛ, ama menyi ere beeŋ dii kumo n ya sɔ kasawule lela na n chena so.