Nɔmbɛs 25:8 - EBƆRƐ BE KAWƆL

⁸ m bɛ Israɛl be kanyɛn na nɛ eche na so n yɔ mbe wajɛbu to n ya da mo nɛ eche na kikɛ m mata abar. Ndoŋ nna nɛ Enyɛnpe Ebɔrɛ shin nɛ aleblawu nɛ k bee tɔrɔ Israɛlebi na kikɛ kuu.

Nɔmbɛs 25:8 ပူးပေါင်းရင်းမြစ်များ

2 Samuɛl 21:14

Sɔɔl mo tuto Kish be nchaŋ to ashi Zɛla nɛ k wɔ Bɛnjamin be kasawule so na nɛ b daŋ puli Sɔɔl nɛ Jonatan be awibi fanɛ kananɛ ewura Deevid kaŋɛ bumo fanɛ b wora na. Ade kikɛ be kaman nɛ Ebɔrɛ nu bumo be kabɔrɛkule nseŋ nɛfa bumo be kasawule nɛ akoŋ nɛ k daŋ tɔr na loge.

2 Samuɛl 24:25

nseŋ pɔr bɔrɛsure ndoŋ n sa Enyɛnpe Ebɔrɛ. Kumo be kaman nɛ e lara esarga chɔɔso nɛ kɔnɔkoŋwuleso be esarga. Ndoŋ nna nɛ Enyɛnpe Ebɔrɛ na nu mbe kabɔrɛkule nɛ aleblawu nɛ k wɔ Israɛl na kikɛ ku.

1 Kronikɛls 21:22

Ndoŋ nna nɛ ewura Deevid kaŋɛ mo le: “M ba nna nɛ m ba tɔ fo kugooro ere m pɔr bɔrɛsure n sa Enyɛnpe Ebɔrɛ, saŋɛ na so e beeŋ ju aleblawu ere ashi anyi so. Meeŋ tɔ kumo kanaŋkama nɛ feeŋ fa kumo.”

Malakai 2:5

N daŋ nase kɔnɔ nna fanɛ meeŋ sa bumo ŋkpa nɛ kebaawɔtɔ lela. Ma alɛ daŋ wora loŋ nna, saŋɛ na so baaŋ ta bunyaŋ n sa ma. Kumo be saŋɛ na malɛ b daa sa ma bunyaŋ nna nsaa ŋana ma.

Nɔmbɛs 17:13

Nɛ ekama nɛ e ba wajɛbu na ase beeŋ wu bre, kumo ere anyi kikɛ maŋ naa wɔtɔ nna na!”

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Nɔmbɛs 25:5

Nɛ Mosis kaŋɛ Israɛl be benimuana na le: “Menyi be ekama e mɔ menyi be yiri to be esa kama nɛ e bee bunyaŋ kegbir nɛ baa tre Baal Piyɔɔ na.”

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.