Nɔmbɛs 25:4 - EBƆRƐ BE KAWƆL

⁴ nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

Nɔmbɛs 25:4 ပူးပေါင်းရင်းမြစ်များ

2 Samuɛl 21:6

Amoso, lara mbe kanaŋ to be benyɛn ashunu n sa anyi nɛ an ya chɛ bumo efɔl n shiga ashi Enyɛnpe Ebɔrɛ be ewura laraso Sɔɔl be kade nɛ baa tre Gibia na be kakpa nɛ baa bunyaŋ Enyɛnpe Ebɔrɛ na.” Nɛ Deevid yɛ: “Meeŋ ta bumo n sa menyi.”

2 Samuɛl 21:9

Bumo nɛ Deevid daŋ ta n sa Gibiɔnebi na nɛ b ya chɛ efɔl ashi kebee so be kakpa nɛ baa bunyaŋ Enyɛnpe Ebɔrɛ na nɛ bumo basa ashunu na kikɛ wu kachɛ koŋwule, saŋɛ so nɛ b baŋ fara a buri akoŋboyu na.

Nshɛ 106:29

B daŋ wora asheŋ lubi ga nna nɛ Ebɔrɛ be kagbene kaa, nɛ e shin nɛ kulɔ lubi ko ba bumo so.

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Jona 3:9

Ashere Ebɔrɛ be nfɛra beeŋ chɛrga nɛ mbe agbo e wushi nɛ e wu anyi kuwɔr nsaa maŋ shin nɛ an mur.”

Nɔmbɛs 25:11

“Ŋkpal kusɔ nɛ Finihas wora ere so, ma agbo maŋ naa wɔ Israɛlebi so. E maŋ shuli fanɛ esa kikɛ e shuŋ kegbir n ti ma Enyɛnpe Ebɔrɛ na so. Kumo so nɛ m maŋ kaa agbo m mur Israɛlebi kikɛ na.

Nɔmbɛs 25:18

ŋkpal b ka ku efɛ n wora kulubi ŋ gbiti fo ashi Piyɔɔ nɛ ŋkpal b ka mɔ Kuuzbi aleblawu be saŋɛ ashi Piyɔɔ na so.”

Ditɛronɔmi 13:11

Kumo be kaman, Israɛl be basa kikɛ beeŋ nu kusɔ nɛ k wora na be asheŋ, nɛ kufu e pɛ bumo nɛ ekama maaŋ naŋ wora loŋ be kesheŋ lubi na kikɛ.

Ditɛronɔmi 13:13

fanɛ menyi be efuli so be basa jiga ko fule bumo be ndeana to be basa ko nɛ b shuŋ agbirana nɛ menyi maŋ naŋ shuŋ ŋ ku so kikɛ.

Ditɛronɔmi 13:15

kumo ere men mɔ basa nɛ b wɔ loŋ be kade na to kikɛ nɛ bumo asɔbɔya gba kikɛ n ti so. Men mur kade na cheche.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 21:22

Nɛ fanɛ esa wora kulubi nɛ b kpal loŋ so n chɛ mo n shiga kedibi so m mɔ,

Ditɛronɔmi 21:23

a maŋ daga kebuni na ka shiga kedibi na so hale nɛ kare a chɛ kumo so. A daga fanɛ b puli kumo kamɔnchɛ na kikɛ, ŋkpal manɛ so, kebuni be kebaasha kedibi so bee gberge Ebɔrɛ be kɔnɔsho a ba kasawule na so nna. Amoso men baa puli basa nɛ baa chɛ a shiga ndibi so a mɔ na, saŋɛ na so menyi maaŋ jija kasawule nɛ Enyɛnpe menyi be Ebɔrɛ na ta a sa menyi na.

Ditɛronɔmi 4:3

Men gbagba wu kusɔ nɛ Enyɛnpe Ebɔrɛ na wora ashi kebeegboŋ nɛ baa tre Piyɔɔ na ase. E daŋ mur ekama nɛ e daŋ shuŋ kegbir nɛ baa tre Baal na nna ashi ndoŋ.

Joshuwa 22:17

Men nyiŋi aleblawu nɛ Enyɛnpe Ebɔrɛ daŋ shin nɛ k ba mbe basa so ashi Piɔr ŋkpal alubi so na. An kraa ji awurfoŋ nna ŋkpal kumo so hale kabre. Loŋ be kulubi na nawule maŋ kukwe anyi a?

Joshuwa 23:2

Kachako nɛ e tre Israɛlebi be bejuŋkparpo kikɛ, benimu nɛ demujipoana nɛ bumo be ekrachi m ba kaŋɛ bumo le: “Naniere bre m bel.