Nɔmbɛs 25:13 - EBƆRƐ BE KAWƆL

¹³ Mo nɛ mbe kaman to ebi beeŋ baa la bɔrɛmatapoana hale mbaanaayɔ ŋkpal e ka bee kɔ kukɔrkɔ a sa ma nseŋ shin nɛ Israɛlebi na nya alubi be ketampaŋ so.”

Nɔmbɛs 25:13 ပူးပေါင်းရင်းမြစ်များ

2 Samuɛl 21:3

Ndoŋ nna nɛ Deevid tre Gibiɔnebi na ŋ kaŋɛ bumo le: “Manɛ nɛ menyee sha ŋ ka wora nɛ k wushi menyi kagbene ŋkpal kusɔ nɛ Sɔɔl wora na so, saŋɛ na so menyeeŋ kule Ebɔrɛ nɛ e wu anyi mbe basa kuwɔr?”

1 Bewura 19:10

Nɛ Elaija kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo bɔrɛsureana n lɛ, m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 19:14

Nɛ Elaija naŋ kaŋɛ le: “Enyɛnpetale Ebɔrɛ, fo nawule nɛ mee shuŋ saŋkikɛ. Ama Israɛlebi na bre ku kɔnɔkoŋwule be ŋkre nɛ fo nɛ bumo kɔ na to nna nseŋ da fo ebɔrɛsureana n lɛ m mɔ fo anebiana kikɛ. Naniere n nawule e ka nɛ baa sha kemɔ ma alɛ gba.”

1 Bewura 2:27

Ndoŋ nna nɛ ewura Sɔlɔmɔn ju Abiata ashi Enyɛnpe Ebɔrɛ be kabɔrɛmata be kushuŋ to, nɛ kusɔ nɛ Enyɛnpe Ebɔrɛ malga dra dra ashi Shilo a laŋɛ bɔrɛmatapo Eli nɛ mbe kaman to ebi be asheŋ na kikɛ e bɔlɔ so.

Nehemaya 13:29

Mee kule Ebɔrɛ nna fanɛ e gberge bumo kusoe ŋkpal b ka wora n da bumo be kabɔrɛmata be atande so nseŋ ŋaba Livai be yiri na so.

Nshɛ 106:31

Ŋkpal loŋ so, baa nyiŋi mo nna jemanɛ kikɛ nsaa sa mo bunyaŋ ga.

Nshɛ 119:139

Jemanɛ kikɛ nɛ bedoŋ baŋ kplaŋ fo mbraana so, k bee chɔɔ ma to nna fanɛ edɛ.

Nshɛ 69:9

Kasha nɛ ŋ kɔ n sa fo bɔrɛlambu na bee chɔ ma to nna fanɛ edɛ, nɛ basa baa tege fo, k bee lɛa ma alɛ gba nna.

Ɛksodɔs 29:9

nseŋ buu bumo nwuro n ta ekreso ŋ kre bumo so. Nɛ men wora loŋ Ɛɛrɔn nɛ mbe bibinyɛn nɛ bumo be kaman to ebi kikɛ beeŋ ki bɔrɛmatapoana a shuŋ ma hale mbaanaayɔ.

Ɛksodɔs 32:30

Kumo be ŋklade kachipurso nɛ Mosis kaŋɛ basa na le: “Men wora kulubi gboŋgboŋi ga, ama meeŋ naŋ bɛta n dii kebee na so n ya kule Enyɛnpe Ebɔrɛ na ŋ keni ashere e beeŋ ta men be alubi m paŋ menyi.”

Ɛksodɔs 40:15

nseŋ ta ŋku nɛfaso na n do bumo so fanɛ kananɛ fo wora bumo tuto na, saŋɛ na so bumo nɛ bumo be kaman to ebi beeŋ baa shuŋ ma fanɛ bɔrɛmatapoana mbaanaayɔ.

Aizaaya 61:6

Ama Enyɛnpe Ebɔrɛ na be basa bre beeŋ baa la Ebɔrɛ be bɔrɛmatapoana nɛ mbe nyɛrbi nna. Efuli pɔtɛana na be kanya nɛ kedama beeŋ ki mbe basa peya nɛ bumo be ketre e dii nɛ b baa puchi amo so.

Jɛremaya 33:18

nɛ Livai be yiri to ebi malɛ e baa la bɔrɛmatapoana a shuŋ ma nsaa lara esarga chɔɔso nɛ ayu be esarga nɛ esarga be yiri yiri kikɛ a sa ma.”

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Levitikɔs 15:15

Bɔrɛmatapo na beeŋ ta ekoŋwule n lara kulubi be sarga nseŋ ta kumo nɛ k ka na n lara sarga chɔɔso. Kananɛ e beeŋ wora enyɛn nɛ e nya alenfia na be kenyalɛso be kesheŋ wora nna na.

Malakai 2:8

Ama menyi bɔrɛmatapoana na kini kashenteŋ be ekpa na naniere. Men be keŋini gba shin nɛ basa damta bee wora alubi nna. Men jija kɔnɔ naseso be ŋkre nɛ ma nɛ menyi nananyɛn Livai nase n sa abar na.

Nɔmbɛs 16:46

nɛ Mosis kaŋɛ Ɛɛrɔn le: “Ya chɔɔ bɔrɛsure na so be edɛ n wɔtɔ fo kedɛtɔl to nseŋ ta duwu n wɔtɔ amo to n wora manaŋ n yɔ basa na kutɔ n ya lara alubi be ketampaŋ be sarga n sa bumo. Ŋkpal manɛ so Enyɛnpe Ebɔrɛ na nya agbo nɛ aleblawu fara.”

Nɔmbɛs 16:47

Ndoŋ nna nɛ Ɛɛrɔn nu kusɔ nɛ Mosis kaŋɛ na nseŋ ta mbe kedɛtɔl n shile n yɔ jimaŋ na be nferinto. E ka wu fanɛ aleblawu na teŋ fara, nɛ e ta duwu n wɔtɔ edɛ na to n chɔɔ n lara alubi be ketampaŋ be sarga n sa basa na.

Nɔmbɛs 17:12

Ndoŋ nna nɛ Israɛlebi na kaŋɛ Mosis le: “Kumo ere, an wu nna na!

Nɔmbɛs 25:14

Israɛl b esa nɛ b daŋ mɔ mo nɛ Midianche na be ketre e daa la Zimri nɛ mo tuto la Saalu nɛ e daa la Simiɔn be yiri na to be enimu na.

Baru lela nɛ Jɔn kute na 2:17

Ndoŋ nna nɛ mbe bebɛsopoana nyiŋi abɔrɛsibɛ na ka bee kaŋɛ fanɛ: “Kasha nɛ fo kɔ a sha fo pe ere shi ma to ga hale a chɔɔ ma to fanɛ edɛ na.”

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 7:11

Nɛ fanɛ esa daŋ baŋ tiŋ m bɔla Livai be kanaŋ to be bɔrɛmatapoana na be ekpa so nna n nya kebaawɔtɔ cheembi loŋ malɛ be ekpa so nɛ Ebɔrɛ daŋ ta mbra na n sa basa, a ji nuso nna nɛ a daŋ naŋ daga fanɛ bɔrɛmatapo pɔtɛ ka naŋ ba kaa du fanɛ Mɛlkizedɛk be ekpa so, mannɛ bɔrɛmatapo nimuso Ɛɛrɔn be ekpa so?

Joshuwa 7:12

Amoso nɛ Israɛlebi na maŋ tiŋ n yili n tu bumo doŋana na. B shile nna ŋkpal bumo gbagba ka ki basa nɛ baaŋ mur so. M maaŋ naa wɔ menyi kutɔ, ama men baŋ mur asɔ nɛ men ta ŋ ŋana na kikɛ nna!

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

Kelaraŋŋini 1:6

nseŋ ta anyi ŋ ki mbe kuwura to ebi nɛ bɔrɛmatapoana nɛ an baa shuŋ mbe Ebɔrɛ nɛ Etuto na. Kemaŋkura nɛ eleŋ e baa la Yesu Kristo peya saŋkikɛ mbaanaayɔ. Amɛn.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.